2 Samuweli 13:29 - Mazu Otchena a Mulungu

²⁹ Evale anamalaba a Abisalawu ale kohoirana nnga mwemo mwawandeliwele atu, aliwa mpa mulombwana Aminoni. Evale mulombwana Aminoni agapiwe, ahima atene a Davi kohovenyaga, kada mutu liye gwela vakavaruni vaye, aliwa tawa.

2 Samuweli 13:29 ပူးပေါင်းရင်းမြစ်များ

Jenesesi 36:24

Ahima a Zibeyawu ba ala: Ayiya na Anaya. Anaya gwenne afwannye isime ya mahindje okaha bure kokolani adjihaga aburu a babaye Zibeyawu.

2 Samuweli 12:10

Na mwasa oira weyo uhudilramwisa eto uhumuwaka Uriya nkuda Eti muhiyanaye ira akale muhiyanawo, nona kuma peno dowa sogolro supada nnakalegeve vande vawo.>

2 Samuweli 13:30

Evale aliwa kagatawile, kahanafiye wa babiwa, kohokalawo atu kadowilege muwandela babiwa Davi ule ira: <<Eni mulombwana Abisalawu uhumala apa ahimawo atene! Kalivo uhanle nne mmohi!>>

2 Samuweli 14:6

Miyo namalaba wenyu danna ahima ambinli a anapongwe. Mwa enne siku nimohi, ahimale kohovenyaga, aliwa dowa minda. Kagadowile minda ule kohoroma wana. Wana wawanaga atu ule, voira kalivo mutu aahiyihedile, mwana mmohi ohofiyeda mporotcha nfwaye ante liye fiyeda mpa.

2 Samuweli 18:9

Kondo yagali vari, Abisalawu agagwenle kavaru waye awendaga, ohagumanagana alombwana angasi angasi a Davi. Agaaonne anyakondo a Davi ale kazaga, ohomaruwaga atawaga. Mbwenye tempu yatawa liye ile, na mwasa oira liye otamangaga na makalelo ohokala a masika, kavaru agwenlege liye ule ohoviraga vati vali tambi pwi eni da mutengo mulukulu wa karvaliyo. Evale muru wa Abisalawu ohoparaga mpinyingalrani mwa tambi da mutengole, kavaru waye ule liye dowagave, nne kaimenle. Evale liye ohalaga evale lrelreya muzulu muzulu.

1 Amwene 1:33

Kagazile, mwene ohawandelaga eraga: <<Mwaatukule anamalaba aga eto mmugwelihe mwanaga Salomawu vakavaruni vaga, mmaruwe mudowe isime ya Jiyoni.

1 Amwene 1:38

Noira enne, namakuta Zadoki na namafiyiheda Nata vamohi na Benaya mwana Joyada vamohi na aKereti na aPeleti, kohomutukulaga Salomawu, aliwa mugweliha vakavaruni va mwene Davi, aliwa mudowana isime ya Jiyoni.