2 Samuweli 13:28 - Mazu Otchena a Mulungu

²⁸ Evale Abisalawu ohawandelaga anamalabaye, liye ira: <<Nyo mwamuona mulombwana Aminoni aganna iyeziyezi, agali ohagalalene na vinyu, mwadivwa miyo duwandelani ira: <Kampeni!>, inafwanela mumpe. Kamuove, mwasiwa unaurumani gu miyo! Inafwanela mukale olimba kopolo ira muirena yenno inafuna miyo uwandelani.>>

2 Samuweli 13:28 ပူးပေါင်းရင်းမြစ်များ

Jenesesi 9:21

Siku nimohi Nowe ohong'wa vinyu akumile mmundani mwaye mule, liye fiyeda lrezelra. Agalrezenlre, ohodowa mmusasani mwaye, liye wungula jowara jaye, liye gonanti agali mandave.

2 Samuweli 11:13

Noira enne mmetcheloni muwa, mwene Davi ohomuitanaga ira adje eto ang'we vamohi na liye. Agazile ohodja vamentoni va Davi eto Davi ohomulrezelrihaga. Mbwenye nzuwa nagavirile, mulombwana Uriya kadowilege waniwa, ohogonaga vanipawuni vaye vamohi na anamalaba a mwene vagona atu.

2 Samuweli 11:15

Mukartani mule alrembilegemo mazu oira: <<Unauwandela gu miyo mwene Davi. Miyo nnafuna mwawanaga, umutukule mulombwana Uriya, akale sogolro wewo usimbwile kala kondo, mmuhiyewo ekave ira liye alatiwe, akwe!>>

2 Samuweli 12:10

Na mwasa oira weyo uhudilramwisa eto uhumuwaka Uriya nkuda Eti muhiyanaye ira akale muhiyanawo, nona kuma peno dowa sogolro supada nnakalegeve vande vawo.>

2 Samuweli 13:27

Mbwenye voira Abisalawu ohomukanyiheda babaye ule ira amuhiye Aminoni adowe, babaye ule ohomurumelihaga Aminoni. Evale Aminoni vamohi na ahima a Davi amohiwa oindjiva kohodowaga.

2 Samuweli 14:6

Miyo namalaba wenyu danna ahima ambinli a anapongwe. Mwa enne siku nimohi, ahimale kohovenyaga, aliwa dowa minda. Kagadowile minda ule kohoroma wana. Wana wawanaga atu ule, voira kalivo mutu aahiyihedile, mwana mmohi ohofiyeda mporotcha nfwaye ante liye fiyeda mpa.

1 Amwene 20:16

Mwa enne yagafiyile midiya, kohokumaga ira kadowe katatamule kondo. Fwanyeya ira tempu yenne mulombwana Beni-Hadade afwanyeya mmusasani vamohi na amwene afwaye 32 kamukamiheda ale, kang'waga eto kohomalaga lrezelra.

Ezodu 1:18

Evale mwenole agaonne enne ohaitanihaga, liye afuka ira: <<Katchiyeni, kodi mwasiwa gwa nni nyo hafunaga irana yenno yuurumileni miyo? Mwasiwa gwa nni nyo ahiyaga anapongwe anabaliwa ira kakalegewo, nyo hafunaga apa?>>

Daniyeli 5:30

Siku nimohive nenne mahiyuni uwa mulombwana Belisazare mwene wa aBabiloniya ohopiwaga.

Lukaji 21:34

<<Inafwanela muving'anege pama nyokave zela jinaira nyo. Tawiha ira mmirimani mwinyu munazale jofuna ira mudjege bure, nari jong'wa, nari makatamiho a ingumi ninna hiyo. Tawiha ira siku neno nnaze nuzeleni morurumutcha nnga mutu amangaga ratuwero.

Joira ja Anamarumiwa 5:29

Peduru na anamarumiwa afwaye mbwenye kohowonga keraga: <<Ifwanele ninvwelele Mulugu hiya avwelela atu.

Jozuwe 1:9

Uumbuwelege ira durumile ira ukale olimba kopolo eto ukale olimba murima! Kukayena ova eto kurendjeye, mwasiwa miyo Yehova Mulugu wawo, nnakalege na weyo watene wene unayege we.>>

Anamasogolrelra 19:22

Evale aliwa kahagalalaga, kohokalawo alombwana a sidadile kavenyilege, alombwana otakala mirima, aliwa za rindja nyumbele. Mwa enne kohoromaga gogoda musuwo kamukuwelaga mundimuwole mwinnya wa vande vale, keraga: <<Kamukumihede unde uno mulombwana uzile vande vawo vano ira hiyo nimugonena.>>

Anamasogolrelra 19:6

Evale nkamwene ule na moyaye ule kohogaratigi, aliwa dja vamohi eto kohong'waga vamohi. Noira eno, muhiyanole babaye ohowongaga na mulombwanole, liye ira: <<Pepani, nnauvepa ira uvireliwe mahiyu anna evano eto uhagalalihe murimawo.>>

Anamasogolrelra 19:9

Noira eno, mulombwanole ohovenyihanaga ira amaruwe, liye vamohi na mwendaye ule vamohi na muzombwe amuzilena liye. Evale moyaye ule ohowongagave, liye ira: <<Kaing'ana nzuwa nihiroma senguma eni, eto tchineneva nzuwa nnoroma vira. Nnauvepa ira ugone mahiyu anna eto uhagalalihe murimawo. Metchelo na mabebehene munovenyihana ulrendo wenyu, mudowege vande venyu.>>

Ruti 3:7

Evale mulombwana Bowazi agamanle dja no ng'wa, murimaye agali ohagalalene, ohodowaga gonanti wandamelana vevo vafwanyeya kamba ya johanda. Evale Ruti ohovenyaga, liye dowa mozemba, gudubulra manta mendoni waye ule, liye gonanti, vikunela.

1 Samuweli 18:22

Noira eno, Sawuli oharumaga anamalabaye ira: <<Mudowe mwamuwandele mulombwana Davi agali vaye vene, muire: <Eni mwene vamohi na anamalaba atene anouziveliwa weyo. Inafwanela weyo urumele mutela mwanaye ule, ukale nkamwenaye.> >>

1 Samuweli 28:10

Evale mwene Sawuli oholumbelaga na nzina na Yehova eraga: <<Miyo nnawonga vamentoni va Yehova okalawo ira weyo kunakwa na mwasa oirana yenno.>>

1 Samuweli 28:13

Mwene Sawuli ohowakulaga, liye ira: <<Kuove! Kodi unaona nni?>> Liye ohowakulaga ira: <<Nnamuona muzimu mmohi akumaga vati, agwelaga.>>