2 Samuweli 13:23 - Mazu Otchena a Mulungu

²³ Vagavirile yaka mbinli dompumbula, mulombwana Abisalawu ohokana atu kasata mabilaye sidadi ya Bali-Azori, wandamelana Efarayimi. Mwa enne ohaitanaga ahima atene a mwene Davi ira kadowe kadje pwando wewule.

2 Samuweli 13:23 ပူးပေါင်းရင်းမြစ်များ

Jenesesi 31:19

Fwanyeya ira tempu yavenyihanaga atu, Labawu aligi pandi imohiwa, asataga mabila. Evale Rakeli ohoba vikwamutu josema ja babaye, liye dowagana.

2 Samuweli 13:24

Eto Abisalawu ohovenyaga, liye dowa nfwanya mwene Davi, liye muwandela ira: <<Mbwiyeni, miyo namalaba wenyu nnasata mabilaga! Nnauvepani ira nyo na anamalaba enyu muze pwandoni masatelo ule.>>

1 Amwene 1:19

Liye uhuvelela mikuto didjindji dene, ng'ombe na ana ng'ombe oruva na mabila eto wahaitana ahiminyu atene so mwene vamohi na namakuta Abiyatare, na Jowabe musogolrelri wenyu wa anyakondo. Mbwenye namalaba wenyu Salomawu liye kamuitanne.

1 Amwene 1:25

Tchoira peno eva eni liye uhudowa velela mikuto didjindji dene, ng'ombe na ana ng'ombe oruva na mabila eto waaitanne ahiminyu, na asogolrelri enyu a anyakondo na namakuta Abiyatare. Eni aliwa anadja eto anang'wa vamentoni vaye kawongaga keraga: <Mwene Adoniya oye! Oye!>

1 Amwene 1:9

Evale mulombwana Adoniya ohotukulaga mabila, ng'ombe na ana ng'ombe oruva, liye aitana abalaye atene anno kafwanyeya kagali ana Davi na anamalaba atene a Davi anno kali alombwana a Juda, aliwa dowa vamohi wandamelana nibwe na Zoweleti neno nnafwanyeya wandamelana isime ya Rojeli. Kagafiyile wewule, Adoniya ohopaga anavinyama, liye velela mikuto muwari mohambihiwa umwene.

2 Amwene 3:4

Mulombwana Meza, mwene wa akuda Mowabe, ali maliba fuwa mabila. Mwa enne liye muwari mogondjihiwa na aIzarayeli, aveleletcha wa mwene wa Izarayeli ana mabila okwakwana 100.000 vamohi na mawoya a mabila a alombwana 100.000.

1 Samuweli 25:2

Wandamelana isalesale ya Parawu wali Davi ule, ohokalawo mulombwana mmohi eni orayela eriwa Nabali, akaletcha ilambo ya Maome. Liye ohokana mabila okwakwana 3.000 na mbuzi dokwakwana 1.000. Agali liye akaletcha ilambo ya Maome, jifuwo jaye jile jafwanyeya wandamelana ilambo ya Karimelo. Muhiyanaye aitaniwa Abigayeli. Abigayeli ali muhiyana wa toto eto oriyetchetcha. Mbwenye mamunaye Nabali ule ali orutcha bure, okana makalelo madjindji abure. Liye eto ali nkuda Kalebi. Mwa tempu yenne Nabali afwanyeya ilambo ya Karimelo, asataga mawoya a mabilaye.

1 Samuweli 25:36

Abigayeli ohovenyihanaga, liye dowa wa mamunaye Nabali. Siku nenne anfwannyege Nabali ahagalalaga eto ohomala lrezelra. Mwasiwa siku nenne vaniwa vohokalaga pwando nnga pwando inadja mwene. Voira ohomala lrezelra, Abigayeli kamuwandenle mamunaye ule siku nenne, fiyeda mmetcheloni muwa.

1 Samuweli 25:4

Evale mulombwana Davi agalive muisalesaleni emule, ohovwaga ira: <<Mulombwana Nabali unasata mawoya a mabilaye.>>

1 Samuweli 25:7

Davi uhuvwa ira nyo munasata mawoya a mabila enyu. Anamakumbuza enyu vazile atu wa hiyo, kadjihaga mabila enyu, hiyo nohatambilra na makalelo apama eto nne tempu yatene yali atu Karimelo kilivo yengo yewa ili yatene idimenle.