2 Samuweli 13:20 - Mazu Otchena a Mulungu

²⁰ Evale murongoliye Abisalawu agamuonne anlaga enne azaga, ohonfukaga, liye ira: <<Katchiye, kodi murongoliyo Aminoni wire ugoniha? Kamiyala, kukukumuwe, tchoira liye gu murongoliyo.>> Mwa enne Tamari ohokalaga mudiye vande va murongoliye Abisalawu vale aganna kumbanya.

2 Samuweli 13:20 ပူးပေါင်းရင်းမြစ်များ

Jenesesi 34:2

Mwa enne mulombwana Amori nkuda Evi, musogolrelri wa ilambo yenne, ohomukana mwanaye mmohi aitaniwa Sikemu. Mwanayele Sikemu agamuonne Dina, ohomutukula dowa murarutcha momuhindela.

Jenesesi 46:15

Atene anna vamohi na mwana muhiyana Dina ba ahima a Jako anno aabanle liye na Leya ilambo ya Padani-Arani. Ahima atene kakumile mwa Jako na Leya, atenene roma azombwe dowa anavihiyana indjiva uwa kali atu 33.

2 Samuweli 13:19

Evale agakumile mmba mule, ohovizoliha murwaye ndora, liye kawula bataye yolapa ile, liye pwatela mandaye, liye nlaga adowaga vande.

2 Samuweli 13:21

Evale mwene Davi agavwile zela jatene jaireyile, ohotakaleliwaga na makalelo ohokala a masika.

2 Samuweli 14:24

Abisalawu agafiyile Jeruzalemu, Davi ohokumiha mazu oira: <<Liye kaze vamentoni vaga. So adowe akale vande vaye.>> Noira enne, mulombwana Abisalawu ohodowaga, liye roma kalaga vande vaye eto kadowile vamentoni va mwene.

Roma 12:19

Abalaga oziveliwiwa, inafwanela mwahamuwelihede mutu kunyakunya. So muhiye yengwele mmandani mwa uwali wa Mulugu. Kalaga nnga mazu a Mulugu kalrembiwe wanle oira: <<Nabwiya gunawonga ira: <Weliha kunyakunya kwaga. Miyo nnomuweliheda kada mutu zela mabasa alabile liye.> >>