2 Samuweli 12:26 - Mazu Otchena a Mulungu

²⁶ Jatene ejo jiireyaga, mulombwana Jowabe afwanyeya awanaga na sidadi ya Raba, yenno yali sidadi ya akuda Aminoni. Liye ohofiyeda gondjiha palasiyo ya umwene.

2 Samuweli 12:26 ပူးပေါင်းရင်းမြစ်များ

2 Samuweli 11:1

Yaka imohi, maromelo wene, tempu inadowetcha amwene kondoni, mwene Davi ohomurumaga musogolrelri waye wa anyakondo Jowabe vamohi na andimuwaye a izo na aIzarayeli atene ira kadowe kawane na aAmoni. Evale aliwa kohodowa roma agondjiha aAmoni ale. Evale anyakondo a Izarayeli kohodowa irindja sidadi ya Raba. Mbwenye mwa tempu yenne mwene Davi ahanlege Jeruzalemu.

2 Samuweli 11:25

Evale mwene Davi agavwile mazu anne ohomuwandelaga maliba rumiwa ule eraga: <<Wanfwanya mulombwana Jowabe wamuwandele ira ahakukumuwe zela jejo jiireyile. Mwasiwa supada nafunaga pa, kannasakulra. So mbwenye inamukokomeza miyo tchoira inafwanela awane mwa kopolo ira awande gondjiha sidadile. Wadowa wamulimbihena mazu anno.>>

2 Samuweli 12:25

eto ohomurumaga namafiyiheda Nata ira adowe anvahe mwanole nzina na Jedidiya [ku wonga ziveliwiwa na Yehova] mwasiwa Yehova ohomuziveliwa.

2 Samuweli 12:27

Evale oharuma aliba milanyo wa mwene Davi ira: <<Miyo dihiwana na atu a sidadi ya Raba eto dihiwanda gondjiha nimburo neno nnafwanyeya mahindje anang'wa atu.

2 Samuweli 17:27

Mwene Davi agafiyile Mahanayimi, mulombwana Sobi, mwana Nasi wa sidadi ya Raba mwilamboni mwa Aminoni, vamohi na Makiri mwana Amiyeli wa sidadi ya Lo-Debari, na Barizilayi nkuda Jileyadi wa sidadi ya Rojelimi,

Detoronomiyo 3:11

(Fwanyeya ira mulombwana Oge mwene wa Bazani ahanapiwe, liye ali mutu ogomiheda muwari mwa nlogo na atu alukulu aRefayina. Kama yaye yali yosakanyiwa na momba eto ikalawove fiyeda siku na peno sidadi ya Raba ilambo ya akuda Amoni. Kama ile lapa uwa inna mameturu mannayi eto rambalala uwa inna mameturu menli nnga munapimela atu.)