2 Samuweli 12:20 - Mazu Otchena a Mulungu

²⁰ Mwa enne mwene Davi agavwile ira: <<Mwanole uhukwa>>, ohovenyaga vati valigi liye vale, liye dowa hamba, vizoliha makura pama, liye dowa wara jowara japama. Nomala enne, ohodowaga volowa muNyumbani mwa Yehova, liye dowa mutamalela. Noira eno, ohowelaga, liye dowa vande vaye. Agadowile, ohovepaga ira: <<Kadivaheni yodja!>> Evale kohonvahaga, liye dja.

2 Samuweli 12:20 ပူးပေါင်းရင်းမြစ်များ

2 Samuweli 12:19

Evale mwene Davi agaonne makalelo kanong'onelanaga anamalabaye, liye ohoona ira: <<Podi pii mwanole uhumariheya.>> Noira enne, ohafukaga eraga: <<Kodi mwanaga uhukwa?>> Evale aliwa kohomuwakulaga, aliwa ira: <<He mwanole uhumariheya!>>

2 Samuweli 12:21

Mwa enne anamalabaye ale kohotikinaga, aliwa nfuka ira: <<Kodi muirile nyo ji nni? Tchoira nyo mwanole agali murenda kamwafuna dja, so mwakalela nlave bahi. Eto mwanole vikwile liye, nyo venya roma dja!>>

2 Samuweli 14:2

Mwa enne Jowabe oharumaga atu, aliwa mudowela muhiyana mmohi okana zelru afwanyeya ilambo ya Tekowa. Muhiyanole agazile, mulombwana Jowabe ohomuwandelaga eraga: <<Ukale nnga mutu ukweliwe, umanle malambo madjindji akumbanyaga. Uware jowara ja umakwele, nne kuvizolihe makura.

2 Samuweli 19:24

Mwa tempu yenne mulombwana Mefibozeti, muzula wa Sawuli, na liyene ohodowaga ira agumane na mwene Davi. Fwanyeya ira romela siku nakumilegemo mwene Davi musidadi mule fiyeda siku nenne, liye nne kahuwile mendo daye nne kasatile ndevu, nne jowara jaye kafulrile.

2 Samuweli 6:17

Noira enne, aliwa kohotukulaga Kaxa ya Yehova ile, aliwa dowa volotchiha mmusasani wenno Davi akungile liye ira kaze kahiyemo Kaxa ile. Noira enne, Davi ohovelelaga mikuto dotumeya vamohi na jovelela ja murendele vamentoni va Yehova.

2 Samuweli 7:18

Evale mwene Davi agavwile mazwale, ohovolowaga mMusasani mwa Yehova, liye garati vamentoni va Yehova, liye roma lobela eraga: <<Yehova Mulugu kodi miyo dili ani eto atu a vande vaga bani ira nyo mudifiyihe makalelo dinna miyo ala?!

Matewuji 6:17

Nyo mbwenye mwajejuwarigi, ifwanele muvihuwe kovinyu pama, muvizolihe murwinyu makura

Lukaji 7:46

Weyo kukutulenle makura vamuru vaga, mbwenye muhiyanola uhukutulela perefume manyalo aga.

Ruti 3:3

Mwa eno, inafwanela uvenye, umale hamba pama, uvizolihe makura, uware jowara jawo japama, na wenne udowe nimburo nobubudavo jalo, wewo unafwanyeya liye. Mbwenye wafiya wewule, kuvioneyihe vamentoni vaye. So weyo udowe wavitale ante liye amale dja eto amale ng'wa.

1 Samuweli 15:25

Mbwenye miyo nnouvepani nyo ira mudikurumuwele yotega yaga, muwelele kala na miyo ira miyo dimutamalelege wa Yehova.>>

1 Samuweli 15:31

Evale Samuweli ohowelela wa Sawuli akoka. Noira eno, Sawuli ohomutamalela Yehova.