2 Samuweli 12:13 - Mazu Otchena a Mulungu

¹³ Evale mwene Davi ohomuwongana Nata eraga: <<Miyo dihimutegela Yehova!>> Eto Nata ohowongaga eraga: <<Eto Yehova na liyene uhukurumuwela yotega yawo. Weyo eni kunakwa.

2 Samuweli 12:13 ပူးပေါင်းရင်းမြစ်များ

Jenesesi 39:9

Eto vande vano kalivo odikwaranya miyo. Zela nyo mbwenye, miyo kadihiyediwe ira digone na nyo, mwasiwa nyo muli muhiyanaye. Eto kavili jowandeya ira miyo dimutegele Mulugu waga moirana yengo yotakala nnga yenno.>>

2 Samuweli 24:10

Mbwenye Davi agamanle akontari atwale, ohoroma umbuwela zela ibure yasakanyile liye muwari moakontari atu. Na mwasa wenne, mwene Davi ohonvepaga Yehova eraga: <<Yehova miyo duhutegelani zela jejo jiirile miyo, daakontarigi atu. Yehova nnouvepani ira mukurumuwele yodawa yaga miyo namalaba wenyu. Mwasiwa miyo dihisakanya uzimora!>>

2 Samuweli 24:17

Davi ohomuonaga mungelro aapa atu ule. Evale ohowongaga na Yehova eraga: <<Yehova utegenleni gu miyo. Dihisakanya ubure. Nnga mabila ala kautegenleni nni? So nnafuna ira muditonge miyo damwinnya vamohi na vande va ababaga!>>

1 Amwene 13:4

Mwa enne mwene Jerobowawu agavwile mazu awongile mutu wa Mulugu ule zela ibuwa yali Beteli, mwenole agalive vaibuwani evale, ohomutonyaga eraga: <<Kammangeni mulombwanola!>> Mbwenye agawongile enne, muwono wenno amutonyilegena liye ohoummaga. Kawandaga vinda ira awelihewo.

1 Amwene 21:20

Mwa enne kagagumanne, mulombwana Akabe ohowongaga na Eliya eraga: <<We mwidanaga we, kodi uhudifwanya?>> Liye ohowakula eraga: <<Duhufwanya. Tchoira uhuvivelela ira uiregena jabure vamentoni va Yehova.

1 Amwene 22:8

Evale mwene wa Izarayeli ohomuwakulaga Jozafa eraga: <<Uhukalawo mulombwana mmohiwa unaitaniwa Mikaya, mwana Inla, oira niwande nfuka Yehova muwari mwa liye. So mbwenye miyo nnomutakaleliwa, tchoira liye kanababihege fiyiheda mazu apama zela miyo, unawonga ubureve.>> Evale Jozafa ohowongaga eraga: <<So mwene kamuwongege eno!>>

2 Amwene 1:9

Noira enne, mwene Akaziya ohomurumaga musogolrelri mmohi na nikuru naye na anyakondo 50 ira kadowe kanvende mulombwana Eliya. Evale musogolrelri wa nikuru na anyakondo ule ohonfwanyaga Eliya agagaratile vazulu va mwango. Aganfwanyile, ohomuwandelaga eraga: <<We mutu wa Mulugu, mwene unawonga ira: <Utitevo vamwangoni vili we vo.> >>

1 Koronika 21:8

Mwa enne Davi ohowongaga na Mulugu eraga: <<Miyo dihitega valukulu na mwasa oirana jengo jokala ha eji. Mwa eno nnouvepani mudilevelele yotega yaga miyo namalaba wenyu! Tchoira dihisakanya ja uzimora.>>

Ezodu 9:27

Mwa enne Farawu ohomuitaniha mulombwana Mozeji na Arawu, liye awandela eraga: <<Fendo ila miyo dihitega. Yehova unafwanyeya agali otonga mwa ibaribari. Mbwenye miyo na atwaga nili atu abure.

Izaiya 38:17

Kaing'anani, zuzuma waga watene ali ira diwande kana upama. Muwari mozivela wenyu mohodikoya ira dahadowe mmuliha mwemo munavunda maningo, mwasiwa muhutatilela unduli wenyu jotega jaga jatene.

Izaiya 43:24

Kamudigulenle mihale donukela na kobiri. Eto kamudirumbalihile na makura a mikuto dinyu. So nyo muire dinyemeliha na jotega jenyu. Eto nyo muire diwaheyiha na joviringaniha jenyu.

Izaiya 44:22

Dihimala kumihawo jotega jawo nnga murambo agamuwaga. Eto jotega jawo dihimala kumihawo nnga ifunga yabalaleyaga. Uwele uze wa miyo mwasiwa miyo duhuwombola.

Matewuji 14:10

oharumaga atwaye ira kadowe kadeya, kagwade muru wa Juwawu Mbatizi, kaze kanvahe mwanole.

Lukaji 15:21

Evale mwanole ohomuwandelaga, liye ira: <Babani, miyo dihimutegela Mulugu wa zulu eto duhutegelani nyo. Miyo peno kadili ofwanela itaniwa mwaninyu!>

Lukaji 18:13

Mbwenye namasokiha misoko ule ohoimelaga olapela wene, nne meswaye kaing'anihile zulu. Liye ohogugudaga vamirimani vaye alobelaga eraga: <Mulugu, mudiwendele tangaranga miyo vano mutu otega.> >>

Joira ja Anamarumiwa 2:37

Kagavwile mazu anno, atwale kohokukumuwa valukulu, aliwa nfuka Peduru na anamarumiwa afwaye keraga: <<Ki abalihu, niire avi?>>

Eberewu 9:26

Tchoira ahakale nnga Yesu avelelaga mikuto va kada yaka, yerege funeya ira Kiristu akwe fendo didjindji dene kuma vapandutchiwe zulu na ilambo ya vati pakana fiyeda peno va. Mbwenye kiireyile eno. Yesu ohoza kwa fendo imohi bahi muwari mwa matempu ogomiheda ala ira muwari monikwela fendo imohi yenno, awande maliha jotega jehu.

1 Juwawu 1:7

Mbwenye hiyo nawenda mmoneyani nnga liye uli mmoneyani, nnowenda vamohi movwanana kada mutu na nfwaye eto sangiri na Yesu Mwana Mulugu nnonihuwa mwa jotega jatene jinna hiyo.

1 Samuweli 15:20

Evale Sawuli ohowakulaga, liye ira: <<Miyo mbwenye dihivwelela jatene jadirumile Yehova. Miyo dohovenya nnga mwemo mwadiwandenle liye, miyo atolotcha aAmaleki atene, mutukula mwene Agagi wa meswene miyo muzagana.

1 Samuweli 15:30

Evale Sawuli ohowongaga eraga: <<Miyo dihitega! Masiki eno nnouvepani ira mudirihede vamentoni va andimuwa a mulogo waga na aIzarayeli atene. Mudihiye dikale vamohi na nyo akoka ira didowege damutamalelegeve Yehova Mulugu wenyu.>>