2 Samuweli 12:10 - Mazu Otchena a Mulungu

¹⁰ Na mwasa oira weyo uhudilramwisa eto uhumuwaka Uriya nkuda Eti muhiyanaye ira akale muhiyanawo, nona kuma peno dowa sogolro supada nnakalegeve vande vawo.>

2 Samuweli 12:10 ပူးပေါင်းရင်းမြစ်များ

Jenesesi 20:3

Mbwenye na mahiyu, Mulugu ohomuzela mulombwana Abimeleki morohani amuwandelaga eraga: <<Weyo eni unopiwa mwasiwa muhiyana umutukunle we uyo uhuteliwa, ukana mamunaye.>>

2 Samuweli 18:33

Evale mwene Davi agavwile enne ohokumbanyaga valukulu. Evale ohovenya, liye roma gwela sala yenno yafwanyeya vazulu va mulango vale. Adowaga onlaga eraga: <<Mwanaga Abisalawu! Mwanaga, mwanaga Abisalawu! Yali yapama miyo dahakwe vamalroni vawo mwanaga Abisalawu, mwanaga, hiya weyo kwa!>>

1 Amwene 15:5

Tchoira Davi ohosakanya jengo jofwanela vamentoni va Yehova, nne kahiyile jatene jejo jamuwandenle Yehova kalawo waye watene. So mbwenye yoviringaniha yaye ali zela nkani wa Uriya muEti ule.

Matewuji 26:52

Mwa enne Yesu ohomuwandelaga eraga: <<Kavolotchiha supada nawo no. Mwasiwa atu atene anatukule supada kaairelana afwiwa yabure, aliwa anoza kakwe na supada.

Matewuji 6:24

<<Kalivo mutu unawanda alaba ambwiye ambinli. Mmohi unerege muvwelela, muziveliwaga. Eto mmohiwole unerege muida, mpetaga. Kavali jowandeya eto ira mutu awande muhara Mulugu na ja kobiri tempu imohive.

Roma 2:4

Kagarati, kaona upama watene unaairela Mulugu eto kaona liye avilelaga, ahaatongaga mobaranya, anaumbuwela ira nili apamene eto kinawanda umbuwela ira Mulugu unaniirela upama ira nitwaruwe.

1 Tesalonika 4:8

Nona mutu wenno unalramwisa jinawonga hiyo ji, kanamulramwisa mutu nfwaye mbwenye unamulramwisa Mulugu wenno unauvahani Munemba waye Otchena.

1 Samuweli 2:30

<<Nona Yehova Mulugu wa Izarayeli gunawonga ira: <Miyo dohosakulra ziza nawo na ziza na babawo Arawu ira mukale anamakuta vamentoni vaga kala no kala. Mbwenye peno miyo dagali Yehova nnawonga ira nyo kamunakalegeve anamakuta aga mwasiwa miyo nnoariheda atu anne anadiriheda eto nnoalramwisa anne anadilramwisa.