2 Samuweli 11:2 - Mazu Otchena a Mulungu

² Siku nimohi na tchiguwo, mwene Davi ohovenyaga vakamani vaye vavuma liye, liye gwela vazulu va palasiyo yaye ya umwene, roma wendawendaga evale. Mwa enne agali vazulu evale, ohomuonaga muhiyana mmohi eni ahambaga. Fwanyeya ira muhiyanole ali muhiyana oriyetchetcha.

2 Samuweli 11:2 ပူးပေါင်းရင်းမြစ်များ

Jenesesi 12:11

Evale kafunaga fiya Ijipitu ule, Abaramu ohomuwandelaga muhiyanaye eraga: <<Muhiyanaga miyo dihiiziwa ira weyo usimbwa riya bure.

Jenesesi 3:6

Muhiyanole agavwile mazu anne, agaonne ira jovaha ja mutengole jali jofwanela djiwa, joriyela meso eto jali jofuneya movaha zelru, ohatcha, liye dja, nvaha mamunaye, na liyene liye dja.

Jenesesi 34:2

Mwa enne mulombwana Amori nkuda Evi, musogolrelri wa ilambo yenne, ohomukana mwanaye mmohi aitaniwa Sikemu. Mwanayele Sikemu agamuonne Dina, ohomutukula dowa murarutcha momuhindela.

Jenesesi 39:6

Mwa enne mulombwana Potifare omuhiyeda Joze johinda jatene ja vande vale ira asogolrelrege. Potifare kabalra yengo yali yatene ya vande vale, so yaye ali yodja yadja liye bahi.

Jenesesi 6:2

Evale ana Mulugu a alombwana kagaaing'anile ahiyana anno kaabanle atwale, kohaona ira kali ahima obaleya. Evale aliwa kohodowa, aliwa asakulra anne kaafunne atu, aliwa atukula ira kakale ahiyaniwa.

2 Samuweli 13:1

Abisalawu mwana Davi ohomukana murongoliye oriya bure wenno aitaniwa Tamari. Vagamanle malambo, Aminoni mwana Davi ohoroma nfuna murongoliye Tamari ule.

2 Samuweli 14:27

Abisalawu eto aabanle ahima araru anapongwe ve na mwana mmohi wa muhiyana oriyetchetcha wenno aitaniwa Tamari.

2 Samuweli 4:5

Siku nimohi Rekabe na Bana anno kali ahima a Rimoni nkuda Beroti, kohovenyaga ora ya ntana, aliwa dowa vande va mulombwana Isbozeti. Kagadowile, kanfwanyilege mmba agonaga nnga veretcha liye molemelela ora ya ntana yafiya.

Matewuji 10:27

Jatene jinauwandelani miyo na mahiyu wagali isi, mudowe mwawongege na ntana eto jejo jinauwandelani miyo monong'ona, mudowe mwalaleyege movweya, mwagagwenle vazulu va nyumba!

Matewuji 24:17

Eto mutu wenno unafwanyeye vazulu va nyumba, inafwanela atawe mobaranya, kavolowe mmba ira adowe atukule yengo ili yatene.

Matewuji 5:28

Miyo mbwenye nnauwandelani ira mutu uli watene unamuing'ane muhiyana amusilrilraga, masiki ahamugonnena, uhumala murarutcha mmirimani mwaye.

Joira ja Anamarumiwa 10:9

Unde ule mbe, ale karumiwe na Korneliyo ale kadowaga muulrendoni mwewa, kafunaga fiya sidadi ya Jope, wandamelana ora ya midiya, mulombwana Peduru ohodowaga gwela vazulu va nyumba ira adowe alobele.

Detoronomiyo 22:8

<<Wamanga nyumba ixa, yakana vazulu viwa nimburo nogarati, inafwanela utchize nimburo na vazulu nne tawiha ira mutu amora zulu ule, weyo unakayena mulandu ovuviha sangiri vande vawo.

Detoronomiyo 5:21

<<Kumusilrilre mwadi mwinnya, nne kufune nyumba ya mwinnya, nne mundaye, nne namalabaye wa mulombwana nne namalabaye wa muhiyana, nne ng'ombe yaye nne buru waye nne yengo yatene ili yaye.> >>

1 Peduru 4:7

Magomelo wa jengo jatene uhuwandamela. Na mwasa wenno inafwanela muviwendihe pama eto mukayena muru wapama ira muwande lobela.

1 Juwawu 2:16

Mwasiwa joira jatene jinafwanyeya mwilamboni, roma jofuna ja maningo dowa eto josilrilra ja meso, vitukulela muwari mwa jokana, jatene ejo kajinakuma mwa Baba mbwenye jinakuma muwari mwa atu a ilambo ya vati.

1 Samuweli 9:25

Kagamanle jantari, ambinlene kohokumaga nimburo notama na mukuto, aliwa dowa musidadi mwakoka mwene. Kagafiyile musidadi mule, Samuweli na Sawuli kohotapanya vazulu va nyumba.