2 Samuweli 11:16 - Mazu Otchena a Mulungu

¹⁶ Mwa enne mulombwana Jowabe agawatchenle karta nne, muwari morindja sidadile ira kagudjule, ohomutukulaga mulombwana Uriya, liye dowa muhela nimburo neno vafwanyeya amwidaniwa a kopolo.

2 Samuweli 11:16 ပူးပေါင်းရင်းမြစ်များ

2 Samuweli 11:15

Mukartani mule alrembilegemo mazu oira: <<Unauwandela gu miyo mwene Davi. Miyo nnafuna mwawanaga, umutukule mulombwana Uriya, akale sogolro wewo usimbwile kala kondo, mmuhiyewo ekave ira liye alatiwe, akwe!>>

2 Samuweli 11:17

Alombwana a musidadi mule kagakumile ira kawane na mulombwana Jowabe, evale kohokwaga alombwana angasi angasi a anyakondo a Davi. Muwari mwa ale kakwile, mulombwana Uriya wenno ali nkuda Eti ule, na liyene ohokwaga.

2 Samuweli 11:21

Kodi nyo kamunaumbuwela zela makalelo akwile mulombwana Abimeleki, mwana Jerubezeti? Tchoira agali sidadi ya Tebeji, ohokala muhiyana mmohi ali vazulu va muru wa sidadi avokile mwanapelo, dowa nfwanya mulombwana Abimeleki, liye fiyeda kwa! Nnga mwasiwa ali wa nni nyo muza musimbwaga wandamela muru wa sidadile?> Weyo wanvwa mwene awongaga eno, umuwandele ira: <Eto namalaba wenyu Uriya nkuda Eti, na liyene uhukwa!> >>

2 Samuweli 3:27

Evale aliba rumiwa ale kagamuwelihile mulombwana Abineri, agazile Eboroni ule akoka, Jowabe ohomutukulaga Abineri, mudowana okala ha ule, wandamelana va mulango va sidadile, kalaga nnga unafuna amuwandele yengo yokoyeya. Evale Jowabe ohomulataga Abineri mbani, liye weliha kunyakunya zela mbalaye Azayeli wenno Abineri ampile liye. Agamulatile enne Abineri ohokwa.

1 Amwene 2:5

<<Eto weyo mwanaga uhumala iziwa jejo jadiirele mulombwana Jowabe mwana Zeruwiya. Liye wahapa asogolrelri ambinli a anyakondo a Izarayeli, Abineri mwana Neri na Amasa mwana Jeteri. Weyo uhuiziwa, liye aapile aliwa tempu ya murendele muwari mofuna aweliheda kunyakunya zela atu kaapile atu tempu yowana kondo. Jowabe ohotakaliha sintu nafwanyeya mmwinini mwaye na xineli da manyalo aye na sangiri newa.

2 Amwene 10:6

Noira enne, Jewu ohalrembelaga karta nimohi niwa eraga: <<Akala nyo muli pandi yaga eto akala munodivwelela, miyo nnafuna ira mugwade miru da alombwana atene obaliwa na mbwiyinyu. Era eno metchelo ora yokala nnga yenna, muze vamentoni vaga sidadi ya Jezereli.>> Fwanyeya ira mwa tempu yenne ahima a mwene kali okwakwana 70. Aliwa kaing'aneliwa na andimuwa a sidadile.

Joira ja Anamarumiwa 5:29

Peduru na anamarumiwa afwaye mbwenye kohowonga keraga: <<Ifwanele ninvwelele Mulugu hiya avwelela atu.