2 Samuweli 11:15 - Mazu Otchena a Mulungu

¹⁵ Mukartani mule alrembilegemo mazu oira: <<Unauwandela gu miyo mwene Davi. Miyo nnafuna mwawanaga, umutukule mulombwana Uriya, akale sogolro wewo usimbwile kala kondo, mmuhiyewo ekave ira liye alatiwe, akwe!>>

2 Samuweli 11:15 ပူးပေါင်းရင်းမြစ်များ

2 Samuweli 11:16

Mwa enne mulombwana Jowabe agawatchenle karta nne, muwari morindja sidadile ira kagudjule, ohomutukulaga mulombwana Uriya, liye dowa muhela nimburo neno vafwanyeya amwidaniwa a kopolo.

2 Samuweli 11:17

Alombwana a musidadi mule kagakumile ira kawane na mulombwana Jowabe, evale kohokwaga alombwana angasi angasi a anyakondo a Davi. Muwari mwa ale kakwile, mulombwana Uriya wenno ali nkuda Eti ule, na liyene ohokwaga.

2 Samuweli 12:9

Nnga mwasiwa gwa nni ulramwisele we mazu a Yehova, usakanyaga jengo jabure vamentoni vaye? Kodi weyo umpele nni mulombwana Uriya, wenno ali nkuda Eti, umutukulaga muhiyanaye mmohive anna liye akalaga muhiyanawo? Weyo gumpihile mulombwana Uriya na supada na akuda Aminoni!

1 Amwene 15:5

Tchoira Davi ohosakanya jengo jofwanela vamentoni va Yehova, nne kahiyile jatene jejo jamuwandenle Yehova kalawo waye watene. So mbwenye yoviringaniha yaye ali zela nkani wa Uriya muEti ule.

1 Samuweli 18:17

Nomala eno, mwene Sawuli ohowonga na Davi, liye ira: <<Miyo nnafuna duvahe mwanaga wa mulukulu Merabe ula ira umutele. So ira miyo duvahe ira umutele, nnafuna ira weyo urome dilaba nnga munyakondo wapama ororomeleya eto uwanege kondo da Yehova.>> Sawuli airaga enne aumbuwela ira: <<Miyo nnafuna diirena eni ira Davi adowe apiwe kondoni na aFilistewu hiya ira dimpe miyo.>>

1 Samuweli 18:21

Evale ohowongaga eraga: <<Nnafuna dimusakanye mwanaga nnga ratuwero, dimutelihe na Davi ira tempu inafunege liye dilaba nnga munafunela miyo, apiwe na aFilistewu.>> Evale Sawuli ohomuwongana Davi fendo yowelela, liye ira: <<Peno unafuna ukale nkamwenaga.>>

1 Samuweli 18:25

liye ohowongaga ira: <<Mudowe mwamuwandele Davi ira: <Mwene pete inafuna liye ira umutelena mwanaye, liye kanafuna kobiri, so unafuna udowe waape aFilistewu okwakwana 100, amala waagwade tembe nnakala sogolro wa yano ya ilombwana, jogwada jiwa uzena uno. Liye unafuna airena eno ira aawelihede kunyakunya aFilistewu.> >> Sawuli airaga jatene jejile, yobalra yaye yali yoira: <<Miyo nnafuna diirena eni ira mulombwana Davi tempu inadowege liye wana, adowe apiwe na aFilistewu kondoni.>>