2 Samuweli 10:8 - Mazu Otchena a Mulungu

⁸ Evale aAmoni kohokumaga, aliwa atanda anyakondo ewa va mulango wa sidadi yewa vale. Mbwenye anyakondo a akuda Siriya anno kakumile ilambo ya Zoba na Reyobe, vamohi na anyakondo a akuda Tobe, na anyakondo a Maka, kohodowaga vokala nnga ha vale vaheno vene, aliwa atanda anyakondo ewa.

2 Samuweli 10:8 ပူးပေါင်းရင်းမြစ်များ

2 Samuweli 10:6

Evale aAmoni na aliwene kagaonne ira: <<Eni Davi uhunitakaleliwa na makalelo abure zela jejo jaairilena hiyo atwaye>>, kohodowaga agula anyakondo owenda na mendo okwakwana 20.000 a akuda Siriya a ilambo ya Bete-Reyobe na akuda Siriya a Zoba. Eto kohagula alombwana a mwene Maka okwakwana 1.000 na alombwana 12.000 a akuda Tobe.

2 Samuweli 10:7

Evale mwene Davi agavwile ira: <<Atu kohomala gumanela ira kawanege na weyo!>>, na liyene ohomurumaga mulombwana Jowabe vamohi na anyakondo aye atene a kopolo ira kadowe kawane sidadi ya akuda Aminoni.

2 Samuweli 10:9

Mwa enne mulombwana Jowabe, agaonne ira: <<Eni anyakondo anafuna hiyo wanana kohovitanda amohiwa sogolro, amohiwa mundulri!>>, ohopiyaga zelru. Zelru yapiyilege liye evale, aatukunlege alombwana angasi angasi oiziwa wana pama a Izarayeli, liye atanda ira kadowe wafwanyeya akuda Siriya anno kafwanyeya vaheno vene.

2 Samuweli 23:34

Elifeleti mwana Akajibayi, (Akajibayi babaye ali nkuda Makate), Eliya mwana Ayitofeli nkuda Jiloni;

1 Amwene 11:24

Fwanyeya ira Davi ahanakwe, ohomutolotcha mwene Hadadezeri na nikuru naye na anyakondo. Evale Rezomi agaonne ira mwene waye ohogondjihiwa, liye ohobalrabanduwa, liye dowa agumaniha alombwana angasi angasi, liye kala musogolrelri wa nikuru na amadjuba. Aliwa kohodowa Damaxiku, aliwa kalaga wewule, aliwa muhambiha Rezomi ule, liye kala mwene.

1 Koronika 19:7

Kohaalugari aaterelado okwakwana 32.000 na aliba wendiha aaterelado ale, eto kohomugula mwene wa Maka na anyakondwaye, aliwa za kunga misasa diwa sogolro wa Medeba. Akuda Amoni na aliwene kohokumaga musidadi mwakala atu, aliwa gumanela vamohive ira kadowe kawane.

1 Koronika 19:9

Evale akuda Amoni kohomaruwa aliwa dowa vikunga va mulango wa sidadi, eto amwene anno kazile kamiheda ale kavikungile pandi imohiwa, nimburo eni mwahalive mitengo.

Jozuwe 19:28

Eboroni, Reyobi, Hamoni na Kana. Kuma evo madilriwa kohodowave ante fiya sidadi indimuwa ya Sidoni.

Anamasogolrelra 1:31

Eto atu a nlogo na Azeri na aliwene tchaatamangihile atu kakaletcha Ako, nne atu kakala sidadi da Sidoni, Alabe, Akizibe, Heliba, Afeki, nne Reyobi.

Anamasogolrelra 11:3

Evale Jefite ohatawaga abalaye ale, liye dowa kalaga ilambo ya Tobe. Agali wewule, kohokalawo alombwana abure kamuharile, aliwa roma wenda vamohi na liye.

Anamasogolrelra 11:5

Mwa enne akuda Amoni ale kawanaga na aIzarayeli, andimuwa a Jileyadi kohomudowelaga mulombwana Jefite mwilamboni mwa Tobe mwemo mwakala liye.