2 Samuweli 10:19 - Mazu Otchena a Mulungu

¹⁹ Noira enne, amwene atene a Siriya anno katongiwa na mulombwana Hadadezeri kagaonne ira: <<Hiyo eni nihigondjihiwa na aIzarayeli>>, kohodowaga sakanya yopangana yowandana na aIzarayeli, aliwa roma alabaga aIzarayeli. Mwa enne akuda Siriya ale tchawelenle akoka akamiheda aAmoni mwasiwa koaova aIzarayeli.

2 Samuweli 10:19 ပူးပေါင်းရင်းမြစ်များ

2 Samuweli 8:3

Eto noira eno, ohodowaga liye wana na mulombwana Hadadezeri, mwana Reyobe, mwene wa Zoba, liye fiyeda mugondjiha. Tempu yenno ali mwene Hadadezeri agadowile ira awombole utongi waye vilambo dafwanyeya wandamelana muhindje Eufarati.

2 Samuweli 8:6

Davi agaagondjihile, ohosakanyaga mabazi a anyakondo aye sidadi ya Damaxiku muwari mwa akuda Siriya. Evale akuda Siriya kohokala anamalaba a Davi, aliwa roma mpagalrigi misoko. Eto Yehova omukamiheda mwene Davi ira awandege agondjiha amwidanaye mwatene mwadowa liye wana.

1 Amwene 20:1

Mwene wa Siriya aitaniwa Beni-Hadade ohogumaniha nikuru naye natene na anyakondo eto ohagumanihaga amwene amohiwa 32 vamohi na kavalo dewa, na aaterelado ewa a kondoni. Kohovenyaga, aliwa dowa irindja sidadi ya Samariya, aliwa roma wana ira kagondjihe.

1 Koronika 19:19

Amwene katongiwa na Hadadezeri kagaonne ira kohogondjihiwa na aIzarayeli, kohosakanya nipangano nowandana na Davi, aliwa roma mulaba. Mwa enne aAsiriya ale tchawelenle akamiheda akuda Amoni akoka.

Izaiya 26:11

So Yehova ndanda nenyu nili notapula nene ira mwaalange, mbwenye aliwa kinaona. Musakanye ira kaone sandje munna nyo zela atwinyu amala kakayena manyazo. Mwaatumeye na munlo wenno mutumbanyile nyo para amwidaninyu.

Daniyeli 2:37

Nyo so mwene munafwanyeya mwagali mwene wa amwene, tchoira Mulugu wa zulu uhuvahani umwene, kopolo na utongi vamohi na undimuwa!

Jozuwe 11:10

Jagaireyile eno, Jozuwe ohowelawo, liye dowa gondjiha sidadi ya Azori eto ohompa mwene wa sidadile na supada. Fwanyeya wanle Azori yali sidadi yaatonga amwene atene kawana na aIzarayeli ale.

Jowandeliwa 18:10

Aliwa anoza kakale volapela vene na liye muwari moova upa unna liye, kamunlelege keraga: <<Udilu, udilu wa we Babiloniya, sidadi indimuwa eto ya kopolo. Kaing'ana, mwa ora imohive uhumala tongiwa.>>

Anamasogolrelra 1:7

Noira enne Adoni-Bezeki ohowongaga eraga: <<Kohokalawo amwene 70 anno kagwadiwile vigonondo diwa da manda vamohi na da manyalo kakaletcha vande vaga kadodelaga jinyenyeri jamorela vati va meza yaga. Peno Mulugu unaditambilriha zela jejo jaairele miyo.>> Noira enne kohomutukula mulombwana Adoni-Bezeki, aliwa mudowana Jeruzalemu. Evale ohokwa wewule.