2 Samuweli 1:2 - Mazu Otchena a Mulungu

² Siku naneraru, ohokalaga muzombwe mmohi azilege akumaga kapamentoni wa mwene Sawuli. Muzombole azilege na jowara jaye jagamanle kauwa eto mmuruni mwaye mwatene mwagali pii na teya. Liye agazile, ohofiyaga vamentoni va mulombwana Davi amukokorelaga momuriheda.

2 Samuweli 1:2 ပူးပေါင်းရင်းမြစ်များ

Jenesesi 22:4

Kadowagave, nagafiyile siku naneraru keragave wenda, Abarahamu againg'anne okala ha ule, ohoona olapela wene nimburo nafuna atu dowa sakanya mukuto.

Jenesesi 37:29

Abalaye ale tempu yamukumihamo atu Joze muisimeni mule kamugulihaga, mbaliwa Rubeni ule kalivo. Evale vazilege liye apatamela muisimeni mule ahanfwanyamo, ohokawula jowara jaye.

Jenesesi 37:34

Evale Jako mokumbanya mwaye, ohokawulaga jowara jawarilege liye, tukula sakwi, liye mangiha mmwinini mwaye. Evale ohomala malambo madjindji amunlelaga mwanaye.

Jenesesi 43:28

Aliwa kohomuwakulaga, aliwa ira: <<He, babihu namalaba wenyu uhukalawove eto uli wapamene.>> Noira enne, kohowelelave mukokorela kafiyihaga kove diwa vati.

2 Samuweli 1:3

Evale Davi agamuonne enne, ohonfukaga muzombole ira: <<Kodi weyo unakuma waani?>> Liye ohowakulaga eraga: <<Miyo ditawile kapamentoni wa aIzarayeli.>>

2 Samuweli 13:19

Evale agakumile mmba mule, ohovizoliha murwaye ndora, liye kawula bataye yolapa ile, liye pwatela mandaye, liye nlaga adowaga vande.

2 Samuweli 14:4

Evale mwana muhiyana wa Tekowa ule ohodowa vamentoni va mwene Davi. Aganfwanyile mwene Davi, ohomukokorelaga afiyihaga kove yaye vati. Evale ohoromaga wonga eraga: <<Miyo so mwene nnouvepani ira mudivulumutche.>>

2 Samuweli 15:32

Evale mwene Davi afiyaga vazulu va mwango, vevo vamutamaleletcha atu Mulugu, mulombwana Huzayi, nkuda Ariki, ohozaga wa Davi. Fwanyeya ira liye azilege na bataye yagamanle kauwa eto mmuruni mwaye mwagali teyave.

2 Samuweli 24:20

Evale mulombwana Arawuna againg'anne ha ule, ohomuonaga mwene Davi vamohi na anamalabaye atene kazaga wa liye. Mwa enne liye ohodowaga, liye mukokorela mwene Davi aoramihaga kove yaye ante fiyiha vati.

2 Samuweli 4:10

Malambo a mundulrimu ohokalawo muzombwe wenno azilege diwandela zela ukwa wa mwene Sawuli ira: <Ummarihile gu miyo>, aumbuwelaga ira azela diwandela yengo yapama. Mbwenye agadiwandenle, miyo dohompa sidadi ya Zikalagi. Yotambilra yaye zela mazu azilena liye diwandela ali yenno! Eto aligi nyo atu abure, mudowa mwanfwanya mutu mmba, kwartuni waye, mumpela vakamani vaye ahategileve yengo,

Matewuji 12:40

Tchoira sawasawa nnga mulombwana Jonasi ohomala malambo mararu ntana na mahiyu mbani mwa somba indimuwa, Mwana wa Mutu na liyene unomala malambo mararu ntana na mahiyu vati va teya.

Matewuji 16:21

Kuma evale Yesu ohoromaga aonihedamo anamamuharaye ale ira: <<Ili yofwanela didowe Jeruzalemu ira daonihiwe goyi na andimuwa a aJudewu, na andimuwa a anamakuta na anamafundjiha malamulo. Eto era eno, nnopiwa. Mbwenye siku naneraru nnovenya mokwani!>>

Jozuwe 7:6

Evale mulombwana Jozuwe ohokawula jowara jaye eto liye vamohi na andimuwa atene a aIzarayeli kohokokoraga, aliwa fiyiha miru diwa vati kaing'anaga sogolro wa Kaxa ya Yehova fiyeda tchiguwo. Aliwa eto kovihela teya mmuruni mwiwa.

Jowandeliwa 3:9

<<Kaing'anani, miyo nnosakanya ira anno anafwanyeya kagali nyumba dofundjamo mazu da Satana, anno anaviitana aJudewu kahali, keraga nama, miyo nnosakanya ira aliwa kaze kakokore vamanyaloni venyu, kafiyedaga iziwa ira miyo duhuzivelani.

1 Samuweli 20:41

Mwana muzombwe ule agavennyevo, Davi ohovituwa hela wa mabwe waligi liye ule, liye dowa vali Jonata vale, liye mukokorela fendo taru afiyihaga kove yaye vati. Evale aliwa kohobejarigina kanlaga. Eto nla wa Davi wohosimbwaga, hiyaniha no nla wa Jonata.

1 Samuweli 25:23

Evale Abigayeli agamuonne Davi azelaga ha wewule, ohotitaga vaburuni vale mobaranya, liye dowa mukokorela mulombwana Davi afiyihaga kove yaye vati.

1 Samuweli 4:12

Mwa enne ohokalawo mulombwana mmohi wa nlogo na Benjami avuluwilege kondoni ule. Siku nimohive nenne, liye ohotamanga ante dowa fiya ilambo ya Silo. Afiyaga, afiyile agamanle kawula jowara jaye eto aganna teya mmuruni mwaye muwari motonyiheda kumbanya waye.

1 Samuweli 4:16

Mwa enne mulombwanole ohofiyaga valigi namakuta Eli, liye roma muwandelamo eraga: <<Miyo eni ditawile kondoni eto peno eva miyo tamangaga ante za fiya uno eni.>> Eli ohonfuka, liye ira: <<Kodi iireyile nni mwanaga?>>