2 Samuweli 1:18 - Mazu Otchena a Mulungu

¹⁸ Agaimbile nyumbwele oharuma atwaye ira: <<Mutukule nyumbo ila, mudowe mwaafundjihe atu atene a aJuda.>> Nyumbo yaimbile liye tcheniyo ilrembiwe muwari mwa Livuru na Upama. Nyumbo yaimbile liye inawonga ira:

2 Samuweli 1:18 ပူးပေါင်းရင်းမြစ်များ

Jenesesi 49:8

Noira enne, Jako ohowelelave wonga eraga: <<Mbwenye zela weyo mulombwana Juda, abalawo atene anoza kautamalelege. Eto weyo unoza wahindege makohi a amwidani awo. Ahima atene a babawo anoza kaukokorelege.

2 Samuweli 1:19

Amwene ehu anno kafwanyeya kagali wareya wa aIzarayeli peno kohopiwa mwangoni. Anyakondo a kopolo kohogwa.

Detoronomiyo 4:10

Kamudiwale siku naligi nyo vamentoni va Yehova Mulugu wenyu, mwango Orebi. Tchoira siku nenne Yehova ohodiwandelaga eraga: <Waagumanihe atu atene kaze wa miyo ira daawandele mazu aga matene eto aliwa kafundje ira kawandege diova malambo matene anafuna atu kalawo mwilamboni ya vati. Eto anerege afundjiha ahimiwa.>

Jozuwe 10:13

Mwa enne nzuwa nohoimela eto mwedi ohoimela fiyeda mulogo wa aIzarayeli aweliheda amwidaniwa kunyakunya. Mazu anna kalrembiwe muLivuruni mwa Jazari. Nzuwa nohokala noimela nene vari na vari eto kuma evo vaimenle nzuwa nne ira nivire nohodibeliwa kalaga nnga siku nompumbula.