2 Samuweli 1:11 - Mazu Otchena a Mulungu

¹¹ Mulombwana Davi agavwile jejile ohokawulaga jowara jaye. Eto alombwana atene kali evale, na aliwene kohokawulaga jowara jewa.

2 Samuweli 1:11 ပူးပေါင်းရင်းမြစ်များ

Jenesesi 37:29

Abalaye ale tempu yamukumihamo atu Joze muisimeni mule kamugulihaga, mbaliwa Rubeni ule kalivo. Evale vazilege liye apatamela muisimeni mule ahanfwanyamo, ohokawula jowara jaye.

Jenesesi 37:34

Evale Jako mokumbanya mwaye, ohokawulaga jowara jawarilege liye, tukula sakwi, liye mangiha mmwinini mwaye. Evale ohomala malambo madjindji amunlelaga mwanaye.

Jenesesi 44:13

Evale aliwa kohokawulaga jowara jiwa mokumbanya, kada mutu liye tukulaga mutolro waye, gweliha vaburuni vaye, aliwa welela sidadi wakoka wene.

2 Samuweli 13:19

Evale agakumile mmba mule, ohovizoliha murwaye ndora, liye kawula bataye yolapa ile, liye pwatela mandaye, liye nlaga adowaga vande.

2 Samuweli 13:31

Mwene Davi agavwile enne ohovenyaga, liye kawula jowara jaye, liye gonati vati. Eto anamalabaye atene kafwanyeya vamohi na liye, na aliwene kohokawulaga jowara jiwa.

2 Samuweli 3:31

Nomala enne, mwene Davi ohomuwandelaga Jowabe vamohi na anyakondo atene kafwanyeya na liye eraga: <<Mukawule jowara jenyu, muware masakwi, mukumbanyege ukwa wa Abineri!>> Mwa enne kamudowagana ira kamukoye mulombwana Abineri, Davi oaharaga mundulri mwa kaxawu.

2 Amwene 5:7

Mwa enne mwene wa Izarayeli ule agailerile karta nne, ohokawulaga jowara jaye eraga: <<Kodi miyo dili Mulugu ira nnowanda mpa mutu nari nvaha ingumi? Kodi mwasiwa gwa nni mwene wa Siriya dirumihedaga mutu ira dinvulumutche? Eni liye unasakavo mwasa bahi.>>

Joira ja Anamarumiwa 14:14

Mbwenye anamarumiwa ale Barnabe na Pawulo kagaonne makalelo kafuna atu airela, muwari moruniha mwewa, kohokawula jowara jiwa, aliwa roma tamanga kaviraviraga muwari mwa atwale, aliwa awandelaga mokuwa keraga:

Roma 12:15

Mwamuona mutu ahagalalaga, na nyenne muhagalalege. Mwamuona mutu anlaga, na nyenne munlege.

Jozuwe 7:6

Evale mulombwana Jozuwe ohokawula jowara jaye eto liye vamohi na andimuwa atene a aIzarayeli kohokokoraga, aliwa fiyiha miru diwa vati kaing'anaga sogolro wa Kaxa ya Yehova fiyeda tchiguwo. Aliwa eto kovihela teya mmuruni mwiwa.