2 Korinto 2:3 - Mazu Otchena a Mulungu

³ Evale paulrembelani miyo karta. Ira dilrembe na makalelo nnga mwalrembele miyo, ali ira dagazile, dahawande ona upa muwari mwa nyo mufwanenle dihagalaliha. Tchoira miyo dohokana ibaribari ira hagalala waga wafuna ukale hagalala umohive wafuna kana nyo mwatene.

2 Korinto 2:3 ပူးပေါင်းရင်းမြစ်များ

1 Korinto 4:21

Nnga nyo munafuna dazaga dizena makalelo bavi? Dizena imiri ira duwaxuleni owu dizena makalelo ouziveliwani no pwaseya?

2 Korinto 1:15

Miyo muwari mokana ibaribari zela eji, tcheniyo yadivahile miyo voroma vale funafuna za wa nyo ira muwande watchela upama muwari mopandiwa na miyo fendo mbinli.

2 Korinto 1:23

Ira miyo dahawande za akoka sidadi ya Korinto wo, ali ira dahauzuzumiheni. Umboni unna miyo ira nnawonga ibaribari gu Mulugu.

2 Korinto 12:11

Miyo ira diwongege nnga zimora, nyo gudikanyihedile ira diwonge eno. Tchoira yali yofwanela ira nyo mudihidedele umboni miyo vano, mbwenye kamuirilena. Mwasiwa masiki miyo dahalive yengo, dahaakwaranya atu anno anaoneya nnga ba anamarumiwa okwaranyetchetcha.

2 Korinto 12:21

Miyo nnaova ira daza wa nyo, Mulugu waga unaze adiyevihe akoka vamentoni venyu. Diyeviha uwa, nyo munodiona dinlaga vamentoni venyu na mwasa wa atu oindjiva kategile malambo a mundulri anafwanyeya kahanatwaruwe zela jotakala jewa no rarutchana, na ja unyambi jinera atu.

2 Korinto 13:10

Na mwasa wenno miyo nnalremba jengo eji dagali olapela wene na nyo ira dagazile dahakale orutcha muwari mwa utongi Nabwiya udivahile liye ira duulukuliheni hiya ira dubwanyuleni.

2 Korinto 2:9

Tchoira miyo para ulrembelani mazu malambo a mundulrimu, ali ira duxixeni, diiziwe akala nyo muli atu ovwelela muwari mwa jatene.

2 Korinto 7:12

Miyo eto dulrembelagani karta nne, ilukuluwa kaali na mwasa wa wenno aviringanile nne na mwasa wa wenno apudjiwe, nari. Mbwenye ali ira nisauwela unna nyo uoneye vamentoni va Mulugu.

2 Korinto 7:16

Peno na miyene nnohagalala mwasiwa miyo dihikana ibaribari zela viimenle nyo. Malambo a mundulrimu Pawulo agali na aKorinto, ohawandela ira: <<Nihikana sokasoka ira niwande akamiheda afwihu otchenihiwa kasimenle ilambo ya Judeya.>> Mwa enne aKorinto kohorumela soka. Jagaireyile enne mulombwana Pawulo ohoroma awandela afwaye amohiwa ira: <<Eni akuda Korinto kali okozeyene ira kakumihe sokasoka yewa ira kawande akamiheda afwihu otchenihiwa.>> Pawulo alrembile mazu a kapitulu 8 ante 9 muwari moalimbiha aKorinto eto moawumbutcheda ira: <<Eni tempu ya sokasoka inafiya. Nnafuna daarume abalihu kaze wewo katukule ja sokasoka jile. Mbwenye aliwa kahanaze, miyo nnafuna duwumbutcheni tawiha ira aliwa kagazile anaufwanyeni mwahakozeyile.>>

2 Korinto 7:6

Mbwenye Mulugu wenno unaalimbiha atu okukumuwa ohowanda nilimbiha muwari mwa Titu za nifwanya.

2 Korinto 7:8

Tchoira dagaonne ira karta naulrembenleni miyo nohoukumbanyihani, miyo dohoroma kana yowanganyeda ira: <<Kodi mwasiwa gwa nni vale diza daalrembelaga?>> Mbwenye peno kadinna yowanganyeda ili yatene mwasiwa nnaona ira karta naga naukukumunleni ora ya vang'ono bahi.

2 Korinto 8:22

Hiyo eto nnomuruma mbalihu mmohiwa ira aze vamohi na afwihu ambinli ayo. Liye gwenno ninvahile hiyo mabasa fendo didjindji, hiyo muonaga ira gu mutu oirana ja Mulugu muwari mwa jatene. Liye agavwile zela makalelo munna nyo, funa waye oirana ja Mulugu unadowave sogolro.

Galasiya 5:10

Voira nyo muli muwari mwa Nabwiya, miyo dihiiziwa ira mwavwa mazu nnawonga miyo ala, kamunakana youmbuwela imohiwa. So mbwenye mutu wenno unaukukumulani unotongiwa masiki akale ani.

2 Tesalonika 3:4

Hiyo eto nihikana ibaribari ira malambwala Nabwiya unoukamihedani irana jatene juwandenleni hiyo eto nihiiziwa ira muwari mwa kopolo daye, muneregeve irana.

Filemoni 1:21

Dalrembaga eni, dihimala iziwa ira inawonga miyo, na ibaribari weyo unoirana eto dihiiziwa ira unomuwatchela Onezimo na makalelo kwaranya nnga muwongele miyo.