1 Samuweli 9:9 - Mazu Otchena a Mulungu

⁹ (Wanle, mutu afunaga nfuka Mulugu yengo, awongetcha ira: <<Nnafuna didowe dawonge na namaona.>> Tchoira atu anno nnaaira hiyo anamafiyiheda malambwala, tempu yenno kaitaniwetcha anamaona.)

1 Samuweli 9:9 ပူးပေါင်းရင်းမြစ်များ

Jenesesi 25:22

Aganna vambani, fwanyeya ira mbani mwaye mule mwali anasambini. Evale mbani mwaye mohoroma zunguzeya, mwasiwa ahimale kowanawana mmohi na nfwaye. Mwa enne Rebeka ohoira: <<Kodi mwasiwa gwa nni ja mbani jinadiireyela ji?>> Evale ohodowa nfuka Yehova.

2 Samuweli 24:11

Noira enne, mmetcheloni muwa, mwene Davi agavenyile na mabebehene, mazu a Yehova kohozaga wa namafiyiheda Gadi, namaona wa Davi ira:

2 Amwene 17:13

Eto masiki aliwa kairilenave enne, Yehova ohawandela aIzarayeli na nlogo na Juda muwari mwa anamafiyiheda atene anno kafwanyeya eto kagali anamaona Mulugu aaonihile liye jengo eraga: <<Mutwaruwe muwari mwa ndila denyu dotakala nnahara nyo, muharihege malamulo aga vamohi na mangano aga, muwendege nnga mwemo munawongela malamulo anno dawandenle miyo ababinyu eto amala durumihedani nyo muwari mwa anamalaba aga anamafiyiheda.>>

1 Koronika 21:9

Evale Yehova ohowongaga na Gadi, wenno ali namaona wa Davi, eraga:

1 Koronika 26:28

Jovelela jimohi jali jejo javelenle namaona Samuweli, Sawuli mwana Kixi, Abineri mwana Neri na Jowabe mwana Zeruwiya. Jatene javeleliwa jali mmandani mwa Selomite vamohi na abalaye.

1 Koronika 29:29

Fwanyeya joira ja mwene Davi, joira jaye joroma fiyeda jogomiheda jinafwanyeya jagalrembiwe mulivuruni mwa Joira ja Umwene nilrembiwe na namaona Samuweli na mulivuru na joira ja umwene nilrembiwe na namafiyiheda Nata eto na mulivuruni mwa Joira ja Umwene nilrembiwe na namaona Gadi.

1 Koronika 9:22

Atene kasakulriwe ira kakale agwarda a va mulango kali 212. Maziniwa koholrembiwa mohara maziza ewa na tatamo diwa mwakala atu. Mwene Davi na namaona Samuweli baahenle makolo ewa ira kalabege mabasa anno kafuneya atu ororomeleya.

Izaiya 29:10

Tchoira Yehova umala uzelihedani kove dilukulu. Umala eto ufungani meso enyu anno anafwanyeya kagali anamafiyiheda enyu. Liye umala kunela miru denyu dedo nnafwanyeya dagali anamaona.

Izaiya 30:10

Anawonga na anamaona ira: <Kamuonege.> Eto anawonga na anamafiyiheda ira: <Kamufiyihedege ja ibaribari. So muniwandelege jengo joniziveliwiha hiyo vano. Mufiyihedege ja vaheno vene.

1 Korinto 12:17

Maningo matene kahakale niso, atu kafuna kavwege avi? Maningo matene kahakale nibaru, puno yahakalawo, maningo kafuna kaonege avi jonuka nari jonukela pama?

Anamasogolrelra 1:1

Mulombwana Jozuwe agakwile, Ana Izarayeli kohonfuka Yehova aliwa ira: <<Kodi muwari mwa hiyo, nlogo tivi nnafuna kala noroma ira nidowe nawane na akuda Kana?>>

Anamasogolrelra 18:5

Evale aliwa kohoiraga: <<Nnavepa ira unfuke Mulugu akala hiyo nnowenda pama muwari mwa ulrendo wehu.>>

1 Samuweli 9:10

Evale Sawuli ohorumelaga, liye ira: <<Yapama tchenno, ndowenimo.>> Noira enne kohodowaga sidadi yenno wafwanyeya mutu wa Mulugu ule wenno kamuira atu namaona.