1 Samuweli 9:7 - Mazu Otchena a Mulungu

⁷ Evale Sawuli ohonfuka, liye ira: <<Kodi nadowaga nnafuna nitukule nni ira nanvahe? Tchoira yodja yanna hiyo mutumbani mwihu ihimala eto kaninna yengo imohiwa inafuna hiyo nvaha mutu wa Mulugu ule. Kodi hiyo nihikana inafuna hiyo nvaha?>>

1 Samuweli 9:7 ပူးပေါင်းရင်းမြစ်များ

1 Amwene 13:7

Noira enne, mwene ule ohowongaga na mutu wa Mulugu ule eraga: <<Ndoweni vande vaga, mwavume eto dutambilriheni zela divulumutcha wenyu.>>

1 Amwene 14:3

Eto wadowaga utukule pawu kumi na mabolu vamohi na garafwa nimohi na nuwi. Wadowa wewule, liye unouwandela zela yenno inafuna muireyela muzombwela.>>

2 Amwene 4:42

Noira enne, ohokalawo mulombwana mmohi akumilege tatamo ya Bali-Salisa. Azaga, ohozagana pawu 20 dosakanyiwa na sevada oroma handiwa, vamohi na mangala amohiwa a sevada mutiti, liye nvaha mutu wa Mulugu wenno unafwanyeya agali Elizewu. Elizewu ohomuwongana namalabaye ira: <<Katukula jeji waavahe atu ira kadje.>>

2 Amwene 5:15

Evale Namani vamohi na atwaye atene kohowelaga, aliwa dowa fiya vamentoni va mutu wa Mulugu ule, liye wonga eraga: <<Miyo peno dihiwanda iziwa ira na ibaribari ilambo yatene ya vati kaliwo Mulugu mmohiwa ahali Mulugu wa Izarayeli. Mwa eno, miyo namalaba wenyu nnouvepani ira muwande watchela mwana yovaha inafuna miyo uvahani.>>

2 Amwene 5:5

Evale mwene wa Siriya ule ohowongaga, liye ira: <<Venya, udowe. Miyo nnolremba karta ira udowegena wanvahede mwene wa Izarayeli!>> Mwa enne Namani ohomaruwaga, liye tukula kilu 350 da parata na kilu 70 da oru vamohi na jowara jotchindja fendo kumi.

2 Amwene 8:8

Mwene agavwile enne ohomuwandela mundimuwa mmohi alabetcha na liye aitaniwa Hazayeli, liye ira: <<Utukule mivaho, uvenye udowe wagumane na mutu wa Mulugu uyo, udowe wanfuke Yehova mwa liye ira: <Kodi mwene Beni-Hadade unovulumuwa urenda unna liye?> >>

2 Amwene 8:9

Evale mulombwana Hazayeli ohotukulaga mivaho dapama dafwanyeya Damaxiku ule, liye gweliha vazulu va akamelo 40, liye maruwa adowaga ira agumane na mutu wa Mulugu ule. Ohodowaga vamentoni va Elizewu, liye wonga eraga: <<Mbwiyeni, mwaninyu Beni-Hadade mwene wa Siriya gudirumile ira: <Udowe wagumane na Elizewu, wanfuke akala miyo nnovulumuwa urenda unna miyo.> >>

Anamasogolrelra 6:18

Nnouvepani ira mwahakumevo veva vinafwanyeya nyo, miyo nnafuna dibabihe dowa vande ira dizena yovelela wa nyo, dihiye vamentoni venyu.>> Evale Yehova ohomuwakulaga eraga: <<Miyo nnerege udediha eva ante weyo ufiyede welawo.>>