1 Samuweli 9:13 - Mazu Otchena a Mulungu

¹³ Nyo mwabaranya volowa musidadi, munonfwanya ahanagwele nimburo notama ira adowe adje. Mwasiwa kalivo mutu unafuna roma dja liye ahanafiye. Liye mbwenye gunababiha reliha mukutole, era eno, aliba itaniwa ale aliwa djaga pama. Dowani tchineneva eni. Mwadowa munonfwanya.>>

1 Samuweli 9:13 ပူးပေါင်းရင်းမြစ်များ

2 Samuweli 15:11

Fwanyeya ira mulombwana Abisalawu akumaga Jeruzalemu, kohokalawo atu 200 kadowile vamohi na liye. Mbwenye atwale kadowaga tchaiziwile yafuna Abisalawu sakanya wewule.

Matewuji 14:19

Noira enne, oharumaga anamwindjale ira kagarati vatongweni. Evale Yesu ohotukulaga pawu tanu na somba mbinli dile, liye ing'aniha meso zulu, liye reliha. Nomala enne, ohomeyaga pawu dile, liye avaheda anamamuharaye ira kaagawelege anamwindjale.

Matewuji 26:26

Evale aliwa kadjaga, Yesu ohotukulaga pawu, liye reliha. Agarelihile, ohomeyaga, liye avaha anamamuharaye eraga: <<Tukulani, mudje. Pawu ila ba maningwaga.>>

Markuji 6:41

Evale Yesu ohotukulaga pawu tanu na somba mbinli dile, liye ing'aniha meso zulu, liye reliha. Nomala liye roma meyaga pawu dile, avahedaga anamamuharaye. Anamamuharaye ale aliwa agawelaga anamwindjale.

Lukaji 24:30

Ohogaratigi vameza vamohi na aliwa, liye tukula pawu, reliha, liye meya, agawela.

Lukaji 9:16

Nomala eno, Yesu ohotukulaga pawu tanu na somba mbinli dile, liye ing'ana zulu, liye reliha jodja jile. Nomala eno, liye meya, tukula avaheda anamamuharaye ale ira kaagawelege atwale.

Juwawu 6:11

Yesu ohotukulaga pawu dile, liye mutamalelana Mulugu, liye roma meya, avaheda anamamuharaye. Evale anamamuharaye ale aliwa agawelaga atwale kagaratile evale, kada mutu nnga mwafunela liye. Eto ohotukula somba dile liye irana makalelo mamohive.

Juwawu 6:23

Vevale kohoonaga mwadeya dimohi dizaga, dikumaga Tiberiya, difiyaga wandamelana nimburo nenne vadjile atu pawu karumbala, Yesu agamutamalenle Nabwiya.

1 Korinto 10:30

Akala nnowanda mutamalelana Mulugu zela inadja miyo, mwasiwa gwa nni unafuna miyo sumululiwa zela yenno inamutamalelana miyo Mulugu?

1 Timoteyo 4:4

Tchoira jatene Mulugu jipandutchile liye ti jengo japama. Akala hiyo nnowanda dja yengo muwari momutamalelana Mulugu, kilivo yodja inafuna hiyo konda.

1 Samuweli 2:35

Eto nnomusakulra mutu mmohiwa ahali wa muibalini mwawo ira akale namakuta ororomeleya. Damusakulra, liye unerege irana jili mmirimani mwaga eto unerege irana jofuna jaga. Miyo eto nnoareliha ahimaye ira kalabege mabasaga a unamakuta vamentoni va mwene wenno unafuna miyo muhambiha kala no kala.

1 Samuweli 9:14

Evale aliwa kohodowa, aliwa fiya musidadi mule. Kavolowaga wene musidadi mule, kohongumanana Samuweli akumaga ira adowe agwele nimburo notama na mikuto.