1 Samuweli 8:5 - Mazu Otchena a Mulungu

⁵ Kaganfwanyile, kohomuwandela keraga: <<Kaing'anani! Nyo eni muhumala ulula eto ahiminyu kinawenda na ndila dapama dawendetchana nyo. Na mwasa wenno hiyo nnafuna ira munivendele mwene ira anitongege na makalelo nnga jinaireya vilambo dimohi diwa da afwihu.>>

1 Samuweli 8:5 ပူးပေါင်းရင်းမြစ်များ

Joira ja Anamarumiwa 13:21

Noira eno, aIzarayeli kohovepa ira kakayena mwene. Evale Mulugu ohomusakulra mulombwana Sawuli mwana Kixi wa nlogo na Benjami ira akale mwene wewa. Sawuli ohatonga aIzarayeli fiyeda yaka 40.

Anamasogolrelra 8:22

Noira enne alombwana a Izarayeli kohomuwongana Jideyawu keraga: <<Hiyo nnafuna weyo unitongege, roma weyo, nari mwanawo, nari muzuliyo. Tchoira weyo uhuwanda nivunela mmandani mwa akuda Midiyani.>>

1 Samuweli 10:19

Mbwenye nyo peno muhumuruna Mulugu wenyu mmohive wenno unauwombolani muwari mwa makani enyu matene na makatamiho enyu matene. Muruna uwa, nyo muhuwonga na Mulugu ira: <Hiyo nnafuna munivahe mwene.> Tempu tchenna ira mugumane nyo mwatene vamentoni va Yehova. Mwazaga, mukale ogaweya malogo malogo eto kada nlogo nizege nikuru nikuru.>>

1 Samuweli 12:13

<<Mwene mwamusakunlre nyo ula. Nyo mohonvepa Yehova eto eni uhuuvahani mwene ira autongegeni.

1 Samuweli 12:17

Tempu ili hiyo ila tchi tempu yohorumbwa muzongwe eto tirigu unarendiwa! Mwa eno, miyo nnafuna dilobele wa Yehova ira arumbwihe muzongwe na ndari ira nyo muiziwe ira muhusakanya yotega ilukulu vamentoni va Yehova munvepaga ira auvaheni mwene.>>

1 Samuweli 12:2

Eni kuma peno mwene dimuhambihile miyo gunakalege sogolro wenyu. Tchoira miyo dihiulula eto nnga munadionela nyo eni dihimala kana mbwi eto ahimaga kali vamohi na nyo. Miyo eto gwausogolrelrani romela uzombweni waga fiyeda peno.

1 Samuweli 9:20

Eto kukukumuwe zela aburu kamanle malambo mararu kagadimenle, tchoira kohooneya. Eni aIzarayeli yofuna yewa yokana mwene, mutuwa unafuna akale weyo vamohi na abali a babawo.>>