1 Samuweli 8:12 - Mazu Otchena a Mulungu

¹² Amohiwa unoahela ira kakale asogolrelri a anyakondo 1.000. Amohiwa asogolrelri a anyakondo 50. Amohiwa unoaruma ira kadowe kalimege, kahandege mmindani mwaye. Eto amohiwa anerege sakanya fwaramento dowanana kondoni na jofuneya jatene ja aaterelado a kondoni.

1 Samuweli 8:12 ပူးပေါင်းရင်းမြစ်များ

1 Amwene 4:7

Mwene Salomawu ohasakulra alombwana kumi na ambinli ira kakale maadiministaradore a madistiritu matene a Izarayeli. Aliwa kogudela jodja, aliwa za nvahaga mwene, vamohi na atu atene a palasiyoni waye. Kada adiministaradore mmohi jodja jaye azana mwedi mmohi va yaka.

1 Samuweli 22:7

Evale Sawuli ohawandelaga asogolrelri aye kafwanyeya na liye eraga: <<Kavwani nyo alombwana a nlogo na Benjami! Kodi nyo munaumbuwela ira mwana Jese ahamba imwene, liye unouvahani minda doira mulimege, nari unouvahani minda da uva, nari unousakanyani ira mukale asogolrelri a anyakondo 1.000 nari asogolrelri a anyakondo 1.000?

1 Samuweli 8:13

Mwene eto unerege asokela ahiminyu a ahiyana. Aliwa anerege kana mabasa omusakanyela mwene maperefume eto kamupiyelege jodja jaye vamohi no muwotchela pawu daye.