1 Samuweli 7:9 - Mazu Otchena a Mulungu

⁹ Noira eno, Samuweli ohotukula mwana nibila ning'onong'ono nowamwa, liye pa, mala tumeya natene nenne, sakanya mukuto wa Yehova. Liye nvepa Yehova ira aakamihede aIzarayeli. Evale Yehova ohorumela yovepa ya Samuweli.

1 Samuweli 7:9 ပူးပေါင်းရင်းမြစ်များ

Detoronomiyo 9:26

Miyo doholobela wa Yehova diiraga: <Nabwiya Yehova kamwaatolotche atwinyu anno anafwanyeya kagali yowatchela yenyu, atwinyu anno mwaawombonle nyo na undimuwa wenyu, mwaakumihaga Ijipitu na ndanda na kopolo.

Tiyagu 5:16

Nona inafwanela mulrapelanege jotega jenyu mutu na nfwaye eto mulobelelanege mutu mmohi na nfwaye ira muwandege vulumutchiwa mwa maurenda enyu. Lobela wa mutu wapama uhukana kopolo dindimuwa dolaba jengo jidjindji.

Anamasogolrelra 6:26

Eto uze ummangele ibuwa Yehova Mulugu wawo vazulu va mwango va. Ibuwiwa ikale yomangiwa na mabwe otandiwa pama. Wamala eno, utukule ng'ombe yanembinli ile, uvelele mukuto otumeya, utumeye na kuni nnafuna kuma nimbozo na mulugu Azera neno nnafuna we gwada.>>

Anamasogolrelra 6:28

Mwa enne alombwana a sidadile kagavenyile na mabebehene, kafwanyilege ibuwa ya Baali yagabwanyuwile eto nimbozo na mulugu wewa Azera neno nafwanyeya wandamelana vaibuwani vale nagagwadiwile eto ng'ombe yanembinli ile yagaveleliwe mukuto vazulu va ibuwa ixa yenno yamangiwe.

1 Samuweli 10:8

Usogolre wakale Jiligali. Wadowa, wadidedihege wewo malambo matanu na menli ira dize. Miyo nnoza digumane na weyo ira divelele mukuto otumeya, vamohi na jovelela ja murendele. Era eno, miyo nnouwandela inafuna we ira.>>

1 Samuweli 12:17

Tempu ili hiyo ila tchi tempu yohorumbwa muzongwe eto tirigu unarendiwa! Mwa eno, miyo nnafuna dilobele wa Yehova ira arumbwihe muzongwe na ndari ira nyo muiziwe ira muhusakanya yotega ilukulu vamentoni va Yehova munvepaga ira auvaheni mwene.>>

1 Samuweli 16:2

Mbwenye Samuweli ohomuwakula Yehova, liye ira: <<Nnga nnairena ejo avi, agali mulombwana Sawuli uhukalawove? Tchoira liye avwa, unodipa.>> Yehova ohomuwakula, liye ira: <<Nari, so weyo wadowaga, utukule mwana ng'ombe ya muhiyana, wafiya wewule, wawonge ira: <Miyo dazela velela mukuto wa Yehova.>

1 Samuweli 2:35

Eto nnomusakulra mutu mmohiwa ahali wa muibalini mwawo ira akale namakuta ororomeleya. Damusakulra, liye unerege irana jili mmirimani mwaga eto unerege irana jofuna jaga. Miyo eto nnoareliha ahimaye ira kalabege mabasaga a unamakuta vamentoni va mwene wenno unafuna miyo muhambiha kala no kala.

1 Samuweli 7:17

Amala tonga milandu dile, owelela waniwa sidadi ya Rama eto wewule oasogolrelra aIzarayeli. Eto Samuweli ohomangawo ibuwa ya Yehova ilambo ya Rama ule.

1 Samuweli 9:12

Aliwa kohowakulaga, aliwa ira: <<He, uli musidadi mwemuno. Eto munonfwanya sogolro munadowa nyo wo. Mwasiwa liye uvolowile tchineneva musidadi mo. Mwabaranya, munonfwanya. Mbwenye mwahambaranyele, kamunanfwanya mwasiwa liye uzile musidadi mu peno na mwasa oira atu anafuna kadowe nimburo notama novelela mikuto, kavelele mukuto.