1 Samuweli 7:6 - Mazu Otchena a Mulungu

⁶ Noira eno, siku niwa nagafiyile, atenene kohogumanelaga ilambo ya Mizipa, aliwa runga mahindje roma akutulela vati vamentoni va Yehova. Siku nenne kohovireliwaga eno kajejuwarigi, eto kowongaga keraga: <<Hiyo nihimutegela Yehova.>> Tempu yenne kagali Mizipa wewule Samuweli paromile liye asogolrelra Ana Izarayeli atene.

1 Samuweli 7:6 ပူးပေါင်းရင်းမြစ်များ

Jenesesi 31:49

Eto ilambo yenne, Labawu ohovahaga nzina nimohi niwa na Mizipa [ku wonga nimburo noing'anelavo], liye ira: <<Yehova gunaniing'anela, masiki nagali olapela wene kada mutu na nfwaye.

2 Samuweli 14:14

Tchoira hiyo atene nnaing'anela kwa. Eto ingumi yehu inakala nnga mahindje obomeliwa vati. Mahindje kabomeliwa vati, kinawelela vigumaniha kakala mahindje akoka. Tchoira Mulugu kanamuwaka mutu ingumi burebure. Mbwenye unosakanya makalelo ira wenno utamangihiwe awelele wewo utamangihiwe liye.

1 Amwene 8:47

mwa enne kagadowiwena wewule, aliwa katwaruwa ilambo ya amwidani wewo watukuleliwe atu ira kakale azari eto kalobela ira: <Yehova hiyo nihitega, nihisakanya yabure, nihidawa>,

1 Koronika 11:18

Evale alombwana araru a kopolo ale kohovenyaga, aliwa dowa xolra vakapamentoni va aFilistewu, aliwa dowa runga mahindje isime yenno yafwanyeya wandamelana va mulango wa Beleme. Mbwenye kagafiyilena mahindjale wa Davi, liye kang'wilege. Mbwenye akutulenlege vati, vamentoni va Yehova.

Lukaji 15:18

Yapamiwa eva inafwanela diwelele vande va babaga, didowe damuwandele ira: <<Babani miyo dihimutegela Mulugu wa zulu eto duhutegelani nyo.

Jozuwe 18:26

Mizipa, Kefira, Moza,

Anamasogolrelra 10:10

Mwa enne Ana Izarayeli koholobela wa Yehova monla, keraga: <<Hiyo nuhutegelani, mwasiwa nuhuhiyani nyo Mulugu wehu, hiyo atamalelaga aBaali.>>

Anamasogolrelra 10:15

Mbwenye Ana Izarayeli kohomuwakulaga Yehova keraga: <<Yehova hiyo nihitega. Nyo podi niirana yengo ili yatene inaone nyo kala yofwanelela niirela. So mbwenye nnauvepani ira munivunele siku na peno ni.>>

Anamasogolrelra 2:4

Mungelro wa Yehova ule agawongile mazu matene anne na aIzarayeli atene, aliwa kohotomola kuto, aliwa nlaga.

Anamasogolrelra 20:23

Evale aIzarayeli kohodowaga, aliwa roma nla vamentoni va Yehova roma mabebehi ante tchiguwo keraga: <<Yehova, kodi hiyo podi welela ira nawane akoka na abalihu akuda Benjami?>> Evale Yehova ohawakula ira: <<Kadowani mwawane na aliwa.>>

Anamasogolrelra 20:26

Noira enne alombwana atene owana kondo vamohi na aIzarayeli atene kohodowaga Beteli, aliwa roma nla eto kohogarati vati vamentoni va Yehova, aliwa jejuwari siku natene ante tchiguwo eto kohovelelaga mikuto dotumeya vamohi na jovelela ja murendele vamentoni va Yehova.

Anamasogolrelra 3:10

Evale Munemba wa Yehova ohoza mwa liye, evale liye ohoroma asogolrelra aIzarayeli, liye roma dowaga kondoni. Mwa enne Yehova ohonvaheda mulombwana Kuza-Rizatayimi mwene wa Mezopotamiya mmandani mwaye. Evale Otoniyeli ohomugondjiha.

1 Samuweli 1:15

Evale Ana ohowakulaga eraga: <<Nari mbwiyeni, miyo kading'wile, nne vinyu nne yong'wa indimuwa. Miyo mbwiyeni dinna kumbanya ulukulu mmirimani mwaga. Mwa eno, damuwandela Yehova zela makatamiho dinna miyo.

1 Samuweli 10:17

Mwa tempu yenne Samuweli ohaitanihaga Ana Izarayeli ira kagumane ilambo ya Mizipa vamentoni va Yehova.

1 Samuweli 12:10

Aliwa kagagondjihiwe, kohokuwaga kanvepaga Yehova keraga: <Yehova hiyo nuhutegelani, tchoira nuhuhiyani, hiyo roma tamalela amilugu amohiwa aBaali na aAxitaroti. Mbwenye peno hiyo nnauvepani ira munivunele mmandani mwa amwidanihu eto kuma peno dowa sogolro hiyo nnerege uharani.>

1 Samuweli 7:15

Samuweli alive namasogolrelra wa aIzarayeli kalawo waye watene.