1 Samuweli 7:3 - Mazu Otchena a Mulungu

³ Samuweli ohowonga na aIzarayeli atene, liye ira: <<Akala munafuna muwelele kala na Yehova na mmirimani mwenyu mwatene, mwaatatile amilugu enyu atene na josema ja amilugu a Axitaroti jejo jinatamaleletcha nyo, mudowe wa Yehova mmohive eto mmuharegeve liyene bahi. Mwairana eno, liye unouvunelani mmandani mwa aFilistewu.>>

1 Samuweli 7:3 ပူးပေါင်းရင်းမြစ်များ

Jenesesi 35:2

Evale Jako ohawandelaga ahiyanaye na ahimaye vamohi na atu atene kafwanyeya na liye vande vaye, liye ira: <<Mudowe mwaatatile amilugu a atu a unde anno munna nyo. Muvitchenihe, muware nguwo dimohi diwa dapama.

1 Amwene 11:33

Mwasiwa Salomawu na aIzarayeli kohodihiya, aliwa kokorelaga amilugu amohiwa a Axitaroti, mulugu wa muhiyana wa akuda Sidoni, vamohi na Kemuji, mulugu wa akuda Mowabe, vamohi na Milikomi, wenno uli mulugu wa aAmoni eto aliwa kifunile wenda ndila daga dedo daavahile miyo, nne kifunile irana yenno inafuna miyo, roma mangano aga na jotonga jaga. Salomawu kafunile dihara miyo na makalelo adiharile babaye Davi.

1 Amwene 8:48

katwaruwa na mmirimani mwewa mwatene, no kalawo wewa watene ilambo ya amwidani inafwanyeya atu kagali azari eto katukula kove diwa, kalobela kaing'anaga pandi ya ilambo yewa yenno yaavahile nyo makolo ewa, sidadi yenna isakulrile nyo eto nyumba yenna imangile miyo para nzina nenyu,

2 Amwene 17:39

Mbwenye mmuovege Yehova Mulugu wenyu amala liye gunauvunelegeni mmandani mwa amwidani enyu atene.>>

2 Amwene 23:15

Mwene Joziya ohobwanyula ibuwa yafwanyeya Beteli, vamohi na nimburo notama novelela mikuto wa amilugu, nimburo neno nasakanyile Jerobowawu mwana Nebati, wenno aategihile aIzarayeli muwari mwa ibuwa yenne. Eto ohotumeyaga nimburo notamalelavo amilugu aliwa fiyeda kala ndora eto ohotumeyaga ikwamutu yosema ya nimbozo na mulugu wewa Azera.

1 Koronika 22:19

Mwa eno nvendeni Yehova Mulugu wenyu na murima wenyu eto na muzimu wenyu. Murome manga Nyumba ya Yehova ira muhelemo Kaxa ya Yopangana ya Yehova na jengo jimohi jotchenihiwa, jikale muwari mwa nyumba yenno inafuna mangiwa ira nzina na Yehova nirihediwe.>>

1 Koronika 28:9

Eto weyo mwanaga Salomawu, umuiziwe pama Mulugu wa babawo eto umulabege liye na murimawo watene no funa wawo watene. Tchoira Yehova unaona jatene jili mmirimani mwa mutu uli watene eto uiziwa joumbuwela na jofuna jatene. Weyo wanvenda, liye unorumela ira unfwanye, mbwenye wamuhiya, liye unoukonda kala no kala.

Izaiya 55:7

Mutu otakala ahiye makalelo aye otakala. Eto mutu oirana jabure atchindje joumbuwela jaye, awelele wa Yehova ira Yehova amuwendele tangaranga. Awelele wa Mulugu wehu mwasiwa liye gowanda levelela valukulu.

Matewuji 15:8

<Atwayo anaditamalela miyo na milomo bahi. Mbwenye murima wewa uli olapela wene na miyo.

Matewuji 4:10

Yesu mbwenye ohomuwakulaga eraga: <<Kavenyavo, we Satana! Tchoira mMazuni muhulrembiwa ira: <Umutamalelege Nabwiya Mulugu wawo eto umulabege liyene bahi.> >>

Matewuji 6:24

<<Kalivo mutu unawanda alaba ambwiye ambinli. Mmohi unerege muvwelela, muziveliwaga. Eto mmohiwole unerege muida, mpetaga. Kavali jowandeya eto ira mutu awande muhara Mulugu na ja kobiri tempu imohive.

Lukaji 4:8

Evale Yesu omuwakulaga ira: <<MMazuni eto muhulrembiwa ira: <Umutamalelege Nabwiya Mulugu wawo eto umulabege liyene bahi.> >>

Juwawu 4:24

Mulugu gu munemba. Nona ule unafuna mutamalela, amutamalele muwari mwa Munemba eto na makalelo a ibaribari.>>

Detoronomiyo 10:20

<<Mmuovege Yehova Mulugu wenyu, mmulabege liyene eto mmuhidede liyene bahi eto mwafunaga lumbela, mulumbelege na nzina naye bahi.

Detoronomiyo 13:4

Nyo mbwenye mmuharege Yehova Mulugu wenyu eto mmuovege liyene, muharihege malamulo aye, muvuruwanege nizu naye eto mmulabege vamohi no muhideda liyene bahi.

Detoronomiyo 4:29

<<Nyo mwagali wewule, mwagamanle holowa, malringana mwanvenda Yehova Mulugu wenyu na mmirimani mwenyu mwatene no kalawo wenyu watene, munonfwanya.

Detoronomiyo 6:13

Mmuovege Yehova Mulugu wenyu, mmulabege liyene eto mulumbelege na nzina naye bahi.

Jozuwe 13:31

eto za sidadi da metadi da ilambo ya Jileyadi, na sidadi da Astaroti na Edereyi sidadi da umwene wa Oge muwari mwa ilambo ya Bazani. Vilambo dedo davahiwe metadi ya atu a muibalini mwa Makiri, mwana Manasesi nnga mwemo mwaindjivele maziza ewa.

Jozuwe 24:14

Jozuwe ohowonga ira: <<Yapama inafwanela mmuove Yehova eto mmuharege na mmirimani mwenyu mwatene na makalelo ororomeleya. Ule unnave amilugu anno kaaroromeletcha ababinyu a malambo a mundulri, kombela ya muhindje Eufarati eto kagali muIjipitu, aatukule amilugu anne, aatatile. Mmuharege Yehova bahi.

Jozuwe 24:23

Jozuwe ohowongagave akoka eraga: <<Akala ti eno, mwaatukule amilugu a atu a unde munna nyo, mwaatatile, mwamala muhele murima wenyu wa Yehova Mulugu wa Izarayeli.>>

Anamasogolrelra 10:16

Eto kohakumihagavo amilugu kaahara atu kagali anno kahariwa na atu a unde, aliwa roma mulabaga Yehova. Mwa enne Yehova ohakumbanya aIzarayeli na mmirimani mwaye mwatene na mwasa ozuzuma wanna atu.

Anamasogolrelra 10:6

Noira eno, Ana Izarayeli kohowelela akoka sakanya jabure vamentoni va Yehova, aliwa roma atamalelaga amilugu a Baali na aAxitaroti vamohi na amilugu a Siriya, na amilugu a Sidoni, na amilugu a akuda Mowabe, na amilugu a akuda Amoni vamohi na amilugu a aFilistewu. Evale kohomuhiya Yehova, nne tchafunne mulaba.

Anamasogolrelra 2:11

Mwa enne Ana Izarayeli kohosakanya jabure vamentoni va Yehova. Aliwa kohoroma atamalela amilugu kaitaniwa aBaali.

Anamasogolrelra 2:13

Tchoira aliwa komuhiya Yehova, aliwa roma aharaga amilugu kaitaniwa aBaali na aAxitaroti.

1 Samuweli 31:10

Nomala eno, kohotukulaga jowanana ja Sawuli, aliwa dowa volotchiha munyumbani mwemo mwafwanyeya mulugu wewa wa muhiyana wenno aitaniwa Axitaroti. Noira eno, kohotukulaga maningo a mwene Sawuli na ahimayene, aliwa dowa komela vamuruni wenno awerewerile sidadi yatene ya Bete-Seya.