1 Samuweli 7:17 - Mazu Otchena a Mulungu

¹⁷ Amala tonga milandu dile, owelela waniwa sidadi ya Rama eto wewule oasogolrelra aIzarayeli. Eto Samuweli ohomangawo ibuwa ya Yehova ilambo ya Rama ule.

1 Samuweli 7:17 ပူးပေါင်းရင်းမြစ်များ

Jenesesi 33:20

Noira enne, ohomangavo ibuwa ya mukuto, liye vaha ibuwele nzina na Mulugu gu Mulugu wa Izarayeli.

Jenesesi 35:7

Agafiyile wewule, ohosakanyaga ibuwa ya mukuto, liye vaha nimburo nenne nzina na Mulugu wa Beteli. Tchoira Mulugu amutwanyuwele Jako nimburo nenne tempu yamutawa liye mbalaye.

Izaiya 10:29

Anaza kazele vari va mwango. Kafiya Jeba, kagone. Atu a Rama anorendjeya. Atu a Jibeya sidadi ya Sawuli anotawa.

Anamasogolrelra 4:5

Liye ohokana nimburo eni vagaratetcha liye vati va munazi mmohi aitaniwa munazi wa Debora, vari va Rama na Beteli, mmwangoni mwa Efarayimi. Eto mwa tempu yenne Ana Izarayeli kodowetcha wa liye ira katongiwe milandu diwa.

Anamasogolrelra 6:24

Noira enne Jideyawu ohommangelaga Yehova ibuwa nimburo nenne. Ohovaha ibuwele nzina noira Yehova gu Murendele. Ante fiyeda siku na peno ibuwele inafwanyeya Ofara wewule sidadi ya akuda Abiyezeri.

1 Samuweli 1:1

Ohokalawo mulombwana mmohi wa nlogo na Efarayimi, akaletcha sidadi ya Ramatayimi-Zofimi, ilambo ya mmwangoni ya Efarayimi, nzina naye aitaniwa Elikana. Babaye ali Jerowawu, Jerowawu ali mwana Eliyu, Eliyu ali mwana Towu eto Towu ali mwana Zufe.

1 Samuweli 1:19

Mmetcheloni muwa mulombwana Elikana na atu atene a vande vaye kohobehaga na mabebehene, aliwa kokora vamentoni va Yehova, kamutamalelaga. Kagamanle mutamalela, kohowelelaga waniwa ilambo ya Rama. Kagadowile vande viwa, Elikana ohogona na muhiyanaye Ana. Evale Yehova ohorumelaga yolobela ya Ana.

1 Samuweli 11:15

Evale atenene kohovenyihanaga, aliwa dowa Jiligali. Kagadowile wewule kohomuhambiha pama pama mulombwana Sawuli ira akaleve mwene wewa vamentoni va Yehova. Nomala eno, kohokutaga jovelela ja murendele vamentoni va Yehova eto Sawuli vamohi na atu atene a Izarayeli kohoteyela valukulu zela jatene jaireyile.

1 Samuweli 14:35

Evale Sawuli ohosakanya ibuwa ya Yehova. Ibuwa yenne yali ibuwa yoroma yasakannye mwene Sawuli.

1 Samuweli 15:34

Noira eno, Samuweli ohodowaga waniwa Rama eto Sawuli ohowelelaga waniwa Jibeya.

1 Samuweli 2:11

Noira eno, mulombwana Elikana na muhiyanaye Ana kohovenyihanaga, aliwa dowa waniwa ilambo ya Rama. Mbwenye mwanole Samuweli komuhiya Silo wewule, liye roma labaga mabasa a Yehova vamentoni va namakuta Eli.

1 Samuweli 28:3

Tempu yenne yali tempu Samuweli agakwile. Eto vakwile liye aIzarayeli kohomunlelaga, nomala aliwa dowa mukoya waniwa sidadi ya Rama. Eto tempu yenno yali Sawuli agamanle atamangihamo mwilamboni mwa Izarayeli mule aliba kuta mukuto wa azimu na aliba tapanya na azimu.

1 Samuweli 8:4

Mwa enne andimuwa a aIzarayeli kohogumana, aliwa dowa wa mulombwana Samuweli ilambo ya Rama.

1 Samuweli 9:12

Aliwa kohowakulaga, aliwa ira: <<He, uli musidadi mwemuno. Eto munonfwanya sogolro munadowa nyo wo. Mwasiwa liye uvolowile tchineneva musidadi mo. Mwabaranya, munonfwanya. Mbwenye mwahambaranyele, kamunanfwanya mwasiwa liye uzile musidadi mu peno na mwasa oira atu anafuna kadowe nimburo notama novelela mikuto, kavelele mukuto.