1 Samuweli 7:10 - Mazu Otchena a Mulungu

¹⁰ Fwanyeya ira tempu yenne mulombwana Samuweli avelelaga mukuto otumeya ule, ahanamaleve, tchi tempu yafiyaga aFilistewu ira karome wana na aIzarayeli. Mbwenye kahanaromeve wana, Yehova ohorumihaga ndari dilukulu, arendjetchaga aFilistewu eto ohosakanya ira aliwa kakale zagi zagi. Evale aliwa kohoroma tawa vamentoni va Ana Izarayeli.

1 Samuweli 7:10 ပူးပေါင်းရင်းမြစ်များ

Detoronomiyo 28:7

Amwidaninyu kavenya ira kawane na nyo, Yehova unerege sakanya ira mwaagondjihege. Amwidani akala kohovenya ira kaze kawane na nyo, kazaga anerege hara ndila imohive. Mbwenye madowelo, katawaga anerege balaleya kaharaga ndila tanu na mbinli.

Jozuwe 10:10

Mwa ora yenne kawana atu, Yehova ohosakanya ira amwidaniwa ale kakale balala balala. Mwa enne aIzarayeli kohagondjiha amwidani ale ilambo ya Jibeyawu, aliwa roma atamangiha na ndila fiyeda nkuma wa Bete-Horoni, aliwa apaga fiyeda Azeka ante Makeda.

Anamasogolrelra 4:15

Evale Yehova ohodowa vasogolro va Baraki amugondjihaga Sizera na aaterelado aye a kondoni vamohi na anyakondo aye atene muwari mwa masupada a aIzarayeli. Eto Sizera ohotitagamo muatereladoni mwaye, liye tawa na mendo.

Anamasogolrelra 5:20

Ante fiyeda ira na nyenyedi dene zulu dowana. Nyenyedi da zulu dohowana na mulombwana Sizera zulu wewo unafwanyeya atu.

Anamasogolrelra 5:8

AIzarayeli kagaromile asakulra amilugu axa, evale kondo yohotatamuwa. Muwari mwa atu 40.000 a aIzarayeli, kalivo akana defeza ya kondoni nari mwanango.

1 Samuweli 12:17

Tempu ili hiyo ila tchi tempu yohorumbwa muzongwe eto tirigu unarendiwa! Mwa eno, miyo nnafuna dilobele wa Yehova ira arumbwihe muzongwe na ndari ira nyo muiziwe ira muhusakanya yotega ilukulu vamentoni va Yehova munvepaga ira auvaheni mwene.>>

1 Samuweli 14:15

Evale aFilistewu atene roma nikuru na ale kafwanyeya vakapamento vale, dowa ale kadowile kalabe ja umadjuba, vamohi na atu atene, Mulugu ohosakanya ira karome kukumuwa, kakayena ova. Eto teya yohorendeyaga.

1 Samuweli 2:10

Yehova unoza aabwanyule amwidanaye. Eto unoza aamorihede ndari dilukulu. Yehova unotonga ilambo yatene ya vati. Eto unoza anvahe kopolo mwene waye eto unoza avweyihe kopolo da wenno Yehova umuhambihile liye.>>

1 Samuweli 7:11

AFilistewu ale katawaga, akuda Izarayeli kohokumaga Mizipa ule, aliwa roma ahara, kaatamangihaga, aliwa roma apaga na ndila fiyeda Bete-Kari.