1 Samuweli 6:5 - Mazu Otchena a Mulungu

⁵ Musakanye jofwalrafwaniha ja vizimbela na mitoro dedo nnanonga jalo ilambwihu ila, munvahe Mulugu wa Izarayeli momutamalela. Mwera eno, afwase Mulugu podi ukumihanimo mmakatamihoni munafwanyeya nyo vamohi na amilugu enyu, vamohi na ilambwinyu!

1 Samuweli 6:5 ပူးပေါင်းရင်းမြစ်များ

1 Koronika 16:28

Mutitimiheni Yehova, nyo atu a malogo matene a ilambo ya vati, mutitimiheni Yehova na mwasa wa undimuwa waye vamohi na kopolo daye.

1 Koronika 16:29

Mutitimiheni Yehova zela undimuwa wa nzina naye. Zanani yovelela eto mufiye vamentoni vaye. Mutamaleleni Yehova zela tchena waye wa undimuwa.

Ezodu 12:12

Tchoira umahiyu wenne, miyo nnafuna divire muIjipitu mwatene mwene ira daapemo arandji baliwa, masiki jifuwo nari atu. Muwari moirana eno, miyo nnoatonga amilugu atene a Ijipitu. Miyo dili Yehova!

Ezodu 8:17

Evale kohoirana. Arawu ohovenyiha muwono waye, aganna ikumbuzo mmandani mwaye, liye bubudana teya vati. Evale tumbulru natene mwilamboni mwa Ijipitu nohosanduwa kala tumbo. Mwa enne atu vamohi na jifuwo kohoroma kana tumbo.

Ezodu 8:24

Mwa enne Yehova ohoirana na ibaribari. Dohoza pondolre didjindji ilambo ya Ijipitu romana mmba mwa Farawu na mmba mwa anamalabaye vamohi na ilambo yatene ya Ijipitu. Mwa enne atu a ilambo ya Ijipitu kohosanyeya na mwasa wa pondolre dile.

Ezodu 8:5

Yehova ohowongagave na Mozeji eraga: <<Umuwandele Arawu, avenyihe muwono waye agahidedile ikumbuzo mmandani mwaye, atonyena mihindje datene, dindimuwa na ding'ining'ini na mahindje a mmatiyani ira anyapule katavuwe, kagaweye mwilamboni mwatene mwa Ijipitu!>>

Izaiya 19:1

Ula gu muselu owonga zela Ijipitu. Kaing'anani, Yehova ugwela vamuramboni otamanga, unadowa Ijipitu. Vikwamutu josema jinoza jingurumele vamentoni va Yehova. Eto aIjipitu annyiwa mirima diwa nnoza dinyungulruwe muwari moova.

Izaiya 42:12

Aliwa kamutitimihe Yehova eto kalaleye jomutetela vilambo dowandamelana mbara.

Jonasi 3:9

Kalekale Mulugu aniwendele tangaranga, ahaniirele yabure yenno yafuna liye niirela na uwali wozela takaleliwa waye ulukulu ira nahatolowe.>>

Malakiya 2:2

Mwahadivwelele eto mmirimani mwenyu mwahafune riheda nzina naga, miyo Yehova wa Makuru Matene nnoutembelrelrani. Joreliha jinawatchela nyo miyo nnotembelrelra. Eto dihimala tembelrelra joreliha jenyu mwasiwa kamunadivwelela na mmirimani mwenyu mwatene.

Juwawu 9:24

Evale aliwa kohomuitana maliba vulumutchiwa ule fendo yanembinli, aliwa muwandela keraga: <<Hiyo nnafuna nnga umutitimihege Mulugu bahi, hiya mutitimihaga mutule. Mwasiwa iiziwile hiyo tchoira liye gu mutu otega.>>

Jozuwe 7:19

Jagaireyile eno, mulombwana Jozuwe ohowonga na Akani eraga: <<We mwanaga Akani, umutitimihe Yehova Mulugu wa aIzarayeli. Ulrape vamentoni vaye jiirile we. Eto udiwandelemo jatene jiirile we, kukoye yengo.>>

Jowandeliwa 11:13

Ora imohive wohoza indarandara yohokala ya masika. Mwa enne pandi yanekumi ya sidadile yohogwa. Evale kohokwa atu 7.000 muwari mwa indarandara ile. Atu amohiwa kahanle kahakwa kohoromaga ova valukulu eto kohoroma mutitimiha Mulugu uli zulu.

Jowandeliwa 14:7

Mungelrole ohoroma kuwa molimbiha eraga: <<Nyo atu atene muli mwilamboni ya vati, inafwanela mmuovege Mulugu eto mmutitimihege. Tchoira ihifiya ora yaye yoatonga atu. Mmutamalele wenno upandutchile ilambo ya zulu na ilambo ya vati na bara na visime datene dene da mahindje.>>

Jowandeliwa 16:9

Mwa enne kaha wohokala wa masika ule wohoromaga awotcha atu. Mbwenye masiki atu kaonihiwagave goyi enne, kohokalelave jotega jiwa, aliwa wongaga jengo joluluviha nzina na Mulugu wenno unna kopolo doruma jowopiha jile. Aliwa tchatwaruwileve nne tchamutitimihile Mulugu.

1 Samuweli 5:11

Evale na aliwene kohagumaniha amwene atene a aFilistewu akoka, aliwa kwi: <<Hiyo nnafuna mutukule Kaxa ya Mulugu wa aIzarayeli ile, mudowe mwahiye wakoka wene wali atu ilambo ya aIzarayeli. Mwasiwa mwahiya wewuno, inomala nipa hiyo na atwihu.>> Kawongela eno mwasiwa musidadi mwatene mohokwa atu adjindji na jonongeya jidjindji na mwasa wa makalelo abure Mulugu aatongile liye na ndanda naye na kopolo.

1 Samuweli 5:9

Eto mwa enne vadowilena atu Kaxa ile sidadi ya Gate, Yehova ohorungunuwa, liye arumiheda makatamiho malukulu akuda Gate. Na aliwene Yehova ohavaha urenda wewa wohokala wa masika wa vizimbela, roma ahima ante vamohi na andimuwa atenene.

1 Samuweli 6:8

Mutukule Kaxa ya Yehova, mugwelihe muatereladoni. Mugwelihe eto mmambalo kaxa imohiwa yokanamo jengo jinafuna nyo sakanya ja oru jile ira jikale mukuto omaliha mulandu wehu. Mwagamanle irana jatene jejo, mutapule ng'ombe dile ira Kaxa ile idowege uiziwile atu.