1 Samuweli 6:21 - Mazu Otchena a Mulungu

²¹ Mwa enne koharumaga atu angasi angasi ira: <<Muvenye mudowe mwaawandele atu anafwanyeya sidadi ya Kiriyati-Jeyarimi muire: <Kaxa ya Yopangana ya Yehova yenno yatukunle aFilistewu ile, kohoiweliha inafwanyeya uno! Muvenye, muze mutukule, ikale na nyo!> >>

1 Samuweli 6:21 ပူးပေါင်းရင်းမြစ်များ

Jozuwe 15:60

Kohovahiwa eto Kiriyati-Bali yenno yaitaniwa Kiriyati-Jeyarimi na Raba, sidadi mbinli vamohi na tatamo diwa dene.

Jozuwe 15:9

Madilriwa kohovira vazulu va mwango, dowagave ante visime ja Nefitowa kuma evo ante dowa fiya sidadi nnafwanyeya mwango wa Eforoni. Mwa eno, madilre ale kodowave ante Bala, sidadi yenno inaitaniwa Kiriyati-Jeyarimi,

Jozuwe 18:14

Wewo madilriwa kohodowa ikukuru imohiwa, aliwa dowa mavirelo wa nzuwa, pandi ya suli wa mwango wandamelana Bete-Horoni, nomala aliwa rungunuwa dowagave ante sidadi ya Kiriyati-Bali, yenno yeriwa sidadi ya Kiriyati-Jeyarimi. Sidadi yenno inafwanyeya muwari mwa nlogo na Juda. Ala kali madilre a pandi ya mavirelo wa nzuwa.

Jozuwe 9:17

Evale Ana Izarayeli kohomaruwaga, aliwa dowaga sidadi dakala aJibeyawu ale. Kadowaga kamanlege malambo menli mundila kawendaga. Siku naneraru kohofiya sidadi dewa dedo daitaniwa Jibeyawu, Kefira, Beroti na Kiriyati-Jeyarimi.

Anamasogolrelra 18:12

Evale kohodowaga, aliwa kunga misasa diwa Kiriyati-Jeyarimi, mwilamboni mwa Juda. Nona nimburo nenne ante peno nnaitaniwa Mahane-Dani, [ku wonga Vamisasani va Dani]. Nimburo neno nnafwanyeya unduli wa sidadi ya Kiriyati-Jeyarimi.