1 Samuweli 6:20 - Mazu Otchena a Mulungu

²⁰ Evale akuda Bete-Semeji kohowongaga keraga: <<Unawanda kalawo vamentoni va Yehova wenno uli Mulugu Otchena bani? Nidowe nahiye waani Kaxela ira ikale olapela wene na hiyo?>>

1 Samuweli 6:20 ပူးပေါင်းရင်းမြစ်များ

2 Samuweli 6:7

Evale mulombwana Uza agatapunle mandaye ira ahinde Kaxa ile, Yehova ohotakaleliwaga na makalelo ohokala a masika zela mulombwana Uza na mwasa ofuna johinda Kaxa ya Mulugu ile. Evale Mulugu ohomporotcha mulombwana Uza vevale na mwasa wa yoviringaniha yaye. Mwa enne mulombwana Uza ohokwa wandamelana vevale vali Kaxa ya Mulugu ile.

2 Samuweli 6:9

Mwa enne Davi agaonne ira: <<Eni mutu mmohi uhukwa na mwasa wa Kaxa ya Yehova ila>>, ohomuovaga Yehova siku nenne. Muwari moova ohowongaga eraga: <<Nnga miyo nnawande tukula avi Kaxa ya Yehova ila ira ifiye Jeruzalemu unakala miyo?!>>

Malakiya 3:2

Nnga naza nifiya siku na Yehova, kodi bani unawanda vilela? Bani unafuna kala oimelene liye afiyaga? Mwasiwa liye azaga, unaza nnga munlo ohinda wa maliba nyungulrutcha oru. Eto unaza nnga sabawu ya maliba fulra nguwo.

Lukaji 5:8

Noira enne, mulombwana Simawu Peduru agaonne zela ejile jaireyile, ohozaga kokora valigi Yesu eraga: <<Nabwiya, susanivo vili miyo vano, mwasiwa miyo dili mutu otega!>>

Lukaji 8:37

Noira eno, atu atene kakala ilambo ya Jeraza kohonvepaga Yesu ira avenyemo mwilamboni mwiwa mule mwasiwa aliwa kohokagana ova ulukulu. Evale Yesu ohogwelaga mmwadeyani akoka ira awelele wakumile liye.

Jowandeliwa 6:17

Tchoira siku nindimuwa na uwali wewa nihimala fiya. Kodi bani unafune wanda vilela zela jatene jinafuna ireyaga?>>

1 Samuweli 5:7

Mwa enne vaonne atu urenda waavahile Mulugu ule, kohowongaga, aliwa ira: <<Mulugu wa aIzarayeli unitonga hiyo atenene vamohi na mulugu wehu Dagomi. Yapamiwa Kaxa ya Mulugu wa aIzarayeli ivenyemo mwilamboni mwehu muno.>>