1 Samuweli 6:2 - Mazu Otchena a Mulungu

² Evale aFilistewu kohaitanihaga anamakuta ewa na aliba wombeza. Evale kagazile, kohafukaga, aliwa ira: <<Hiyo nnafuna nitukule Kaxa ila ira nivelele wa annya mwasiwa inosimbwa nizuzumiha. Kodi makalelo bavi anafuna hiyo velela Kaxa ya Yehova ila?>>

1 Samuweli 6:2 ပူးပေါင်းရင်းမြစ်များ

Jenesesi 41:8

Unde wagatchile, na mabebehi liye ohokalaga okukumuwene zela joroha jile. Mwa enne ohaitanihaga ang'anga okwima vamohi na aliba iziwa mirombwe a Ijipitu ule ira kaze kamutapulele joroha jaye jile. Aliwa kagazile, mwene Farawu ohawandela joroha jaye jile, mbwenye muwari mwa aliwa kalivo awandile tapulela.

Ezodu 7:11

Eto Farawu agaonne enne, na liyene ohaitana ang'anga okwima. Muwari mwa ang'anga okwima ale, amohiwa kali oiziwa mirombwe, amohiwa kali aliba lowa a muIjipitu mule. Kagazile, na aliwene kohosakanya jimohive muwari mwa masenga ewa.

Izaiya 2:6

Mwa ibaribari nyo Yehova muhumala ahiya atwinyu, atu a nlogo na Jako. Mwasiwa aliwa kohoindjiveliwa visangwisangwi da atu a makumelo wa nzuwa, eto kohoindjiveliwa aliba wonga ja mitalre nnga vini aFilistewu. Atwinyu anavwanana na joira ja atu a unde.

Daniyeli 2:2

Mwa enne liye ohaitanaga ang'anga okwima, aliba visangwisangwi, aliba lowa na aBabiloniya owonga ja sogolro ira kaze kamuwandele mwene joroha jaye. Evale aliwa kohozaga, aliwa fiya vamentoni va mwene Nabukodonozore.

Daniyeli 5:7

Evale mwenole oharumaga atu mokuwa eraga: <<Kabaranyani tchineneva, mwaadowele aliba ing'ana jomoneya ja zulu, aBabiloniya owonga ja sogolro, na aliba visangwisangwi!>> Evale aliwa kagadoweliwe, mwenole ohawandelaga aliba toto a Babiloniya ale eraga: <<Mutu wenne unawande ileri yenno ilrembiwe va eto awanda diwandela yotapulela iwa, unowarihiwa jowara ja usalru wa kore ya musuzu wa bwanda, agali usalru wa peresu yokwima eto unowarihiwa kolare wa oru munikohini mwaye eto unokala mundimuwa waneraru muumweneni mwaga.>>

Matewuji 2:4

Evale mwenole ohagumaniha andimuwa a anamakuta vamohi na aliba fundjiha malamulo, aafukaga eraga: <<Nyo munavwetcha ira Namatikeliwa unafuna abaliwe ilambo ya uvi?>>

1 Samuweli 5:8

Evale koharuma atu ira kaagumanihe amwene atanu a aFilistewu. Evale andimuwa kagagumanne, akuda Ajidode kohofuka ira: <<Niireni avi na Kaxa ya Mulugu wa aIzarayeli?>> Evale aliwa kohowakula ira: <<Yapamiwa Kaxa ya Mulugu wa aIzarayeli ila ivire, idowe yakale sidadi ya Gate!>> Mwa enne kagavwile zelru yenne, aliwa kohotukula Kaxa ya Mulugu wa aIzarayeli ile, ivirana, aliwa idowana sidadi ya Gate.

1 Samuweli 6:1

Mwa enne Kaxa ya Yopangana ya Yehova ile yohomala medi mitanu na minli yagali mwilamboni mwa aFilistewu emule.