1 Samuweli 6:14 - Mazu Otchena a Mulungu

^14-15 Ng'ombe dile dohodowaga imeliha aterelado ule wandamelana nibwe nlukulu mmundani mwa mulombwana mmohi eriwa Jozuwe. Mwa enne kohokalawo aLevi kazile, aliwa tukula Kaxa ya Yehova ile na kaxa mwemo mwafwanyeyaga josakanya ja oru jile, aliwa titihamo, dowa goromeya vazulu va nibwe nlukulu nne. Akuda Bete-Semeji, kohokarakasula aterelado ule ira dikale kuni, aliwa tukula ng'ombe dile, aliwa pa, velela mukuto otumeya wa Yehova. Siku nimohive nenne akuda Bete-Semeji ale kohozagana mikuto dimohi diwa, aliwa velela momutamalela Yehova.

1 Samuweli 6:14 ပူးပေါင်းရင်းမြစ်များ

2 Samuweli 24:18

Siku nimohive nenne namafiyiheda Gadi ohozaga wa Davi liye muwandela ira: <<Uvenye udowe, wammangele Yehova ibuwa ya mukuto, nimburo nobubudavo jalo na mulombwana Arawuna, muJebuzi.>>

2 Samuweli 24:22

Evale mulombwana Arawuna ohowongaga na Davi eraga: <<Tukulani mbwiyeni so mwene. Miyo nnauvahani ira muvelele yenno munafuna nyo! Nnouvahani eto ng'ombe diwa ira akale mukuto otumeya eto nnouvahani jobubudana vamohi na magologolo ogumanihana ng'ombe di ira jikale kuni dotumeyana mukuto.

2 Samuweli 24:25

Noira enne, Davi ohodowaga manga ibuwa ya mukuto wa Yehova eto ohovelelaga mikuto dotumeya na jovelela ja murendele. Mwa enne Yehova ohorumelaga yovepa ya Davi. Evale ubure watene wanna atu muIzarayeli mwatene wohomala. Kukala mazu a livuru na 2 Samuweli.

1 Amwene 19:21

Mwa enne liye ohowelelaga mundulri, dowa tukula ng'ombe mbinli, liye pa. Eto ohotukulaga jimiri jomangana ng'ombe dile liye sakanya kuni, piyana nyama yatene yenne, liye avaha atu, aliwa dja. Noira enne, liye ohovenyihana, liye muharaga Eliya, roma mulabaga.

Ezodu 20:24

Inafwanela mudisakanyele ibuwa ya teya ira muwandege kutavo mikuto dinyu dotumeya na jovelela jenyu ja murendele, roma mabila enyu vamohi na ng'ombe denyu. Nimburo nili natene nnasakulre miyo ira nyo muditamalelegevo, miyo Mulugu nnerege za nimburo neno ira durelihegeni.

Anamasogolrelra 21:4

Mwa enne mmetcheloni muwa mulogo watene wohovenyaga na mabebehene, aliwa sakanya ibuwa ya mukuto, aliwa velela mikuto dotumeya vamohi na jovelela ja murendele.

Anamasogolrelra 6:26

Eto uze ummangele ibuwa Yehova Mulugu wawo vazulu va mwango va. Ibuwiwa ikale yomangiwa na mabwe otandiwa pama. Wamala eno, utukule ng'ombe yanembinli ile, uvelele mukuto otumeya, utumeye na kuni nnafuna kuma nimbozo na mulugu Azera neno nnafuna we gwada.>>

1 Samuweli 11:5

Tempu yazilege aliba rumiwa ale kaawandelaga atwale mazu anne, Sawuli akumaga minda na ng'ombe daye. Afiyaga vande ohofuka eraga: <<Kodi mwasiwa gwa nni nyo atene munanlela nyo eni?>> Evale aliwa kohomuwandelamo mulombwana Sawuli zela jatene jawandeliwe atu na alombwana karumiwe Jabeji ale.

1 Samuweli 20:29

Liye adivepaga awongile ira: <Miyo nnavepa ira didowe Beleme mwasiwa metchelo atu a nlogo naga anafuna kavelele mukuto wa Yehova musidadi eto mbalaga urumihile milanyo ira miyo didowe. Akala unodifwewela murima, nnouvepa ira udihiye miyo didowe daaone abalaga.> Miyo murumeliha. Nona peno vampandoni va ahafwanyeyagavo.>>

1 Samuweli 6:13

Evale tempu ng'ombe dile dafiya atu sidadi ya Bete-Semeji ule, kohokalawo atu kaligi mudaboni karendaga tirigu. Evale akuda Bete-Semeji ale morurumutcha kohoonaga Kaxa ile izaga. Kagaonne, kohagalalaga valukulu.