1 Samuweli 6:13 - Mazu Otchena a Mulungu

¹³ Evale tempu ng'ombe dile dafiya atu sidadi ya Bete-Semeji ule, kohokalawo atu kaligi mudaboni karendaga tirigu. Evale akuda Bete-Semeji ale morurumutcha kohoonaga Kaxa ile izaga. Kagaonne, kohagalalaga valukulu.

1 Samuweli 6:13 ပူးပေါင်းရင်းမြစ်များ

Jozuwe 15:10

eto madilre ale, katitikuwile mavirelo wa nzuwa wa Bala dowa mwango wa Seyire. Mwa eno, madilriwa kavira norti wa mwango Jeyarimi wenno unaitaniwa eto na nzina na Kesalomi, dowagave fiyeda Bete-Semeji ante kodowave kwaranya Timina.

1 Samuweli 6:12

Ng'ombe dile kagahiyile, daharilege ndila yodowa Bete-Semeji. Dowenda dinlaga mofwaseya, diharaga ndila imohive yenne, aliwa dowaga jiwa sogolrove, nne peruwa muwononi odjana nne muwononi oromana. Eto amwene atanu a aFilistewu ale kohoromaga hara ng'ombe dile wayaga atu ante aliwa dowa fiya wandamelana sidadi ya Bete-Semeji.

1 Samuweli 6:14

Ng'ombe dile dohodowaga imeliha aterelado ule wandamelana nibwe nlukulu mmundani mwa mulombwana mmohi eriwa Jozuwe. Mwa enne kohokalawo aLevi kazile, aliwa tukula Kaxa ya Yehova ile na kaxa mwemo mwafwanyeyaga josakanya ja oru jile, aliwa titihamo, dowa goromeya vazulu va nibwe nlukulu nne. Akuda Bete-Semeji, kohokarakasula aterelado ule ira dikale kuni, aliwa tukula ng'ombe dile, aliwa pa, velela mukuto otumeya wa Yehova. Siku nimohive nenne akuda Bete-Semeji ale kohozagana mikuto dimohi diwa, aliwa velela momutamalela Yehova.