1 Samuweli 5:9 - Mazu Otchena a Mulungu

⁹ Eto mwa enne vadowilena atu Kaxa ile sidadi ya Gate, Yehova ohorungunuwa, liye arumiheda makatamiho malukulu akuda Gate. Na aliwene Yehova ohavaha urenda wewa wohokala wa masika wa vizimbela, roma ahima ante vamohi na andimuwa atenene.

1 Samuweli 5:9 ပူးပေါင်းရင်းမြစ်များ

Detoronomiyo 2:15

Tchoira Yehova gwairihile na ndanda naye na kopolo ira atene kamale tolowa tempu yenne fiyeda atolotcha atene ira kahafwanyeye muwari mwa hiyo.

1 Samuweli 12:15

Mbwenye mwakala atu ohonvwelela Yehova eto mulramwisaga jofuna jaye, liye unouonihani goyi na makalelo nnga aaonihile liye goyi makolo enyu.>>

1 Samuweli 5:10

Evale na aliwene kohotukulaga Kaxa ya Mulugu ile, aliwa dowa ihiya sidadi ya Ekoromi. Mwa enne akuda Ekoromi vaonne atu Kaxa ya Mulugu ile ifiyaga waniwa, kohowongaga monla keraga: <<Ii, akuda Gate kazelana Kaxa ya Mulugu wa aIzarayeli ira kanipe hiyo na atwihu atene!>>

1 Samuweli 5:11

Evale na aliwene kohagumaniha amwene atene a aFilistewu akoka, aliwa kwi: <<Hiyo nnafuna mutukule Kaxa ya Mulugu wa aIzarayeli ile, mudowe mwahiye wakoka wene wali atu ilambo ya aIzarayeli. Mwasiwa mwahiya wewuno, inomala nipa hiyo na atwihu.>> Kawongela eno mwasiwa musidadi mwatene mohokwa atu adjindji na jonongeya jidjindji na mwasa wa makalelo abure Mulugu aatongile liye na ndanda naye na kopolo.

1 Samuweli 5:6

Jagaireyile enne, Yehova ohovenyihaga ndanda naye wa kopolo, liye roma arendjetchaga akuda Ajidode, liye azelihedaga urenda wa vizimbela, roma akuda Ajidode fiyeda atu atene kawandamenle ilambo yenne.

1 Samuweli 6:11

Nomala eno, kohotukulaga Kaxa ya Yopangana ya Yehova ile vamohi na kaxa ya jofwalrafwaniha ja oru jasakanyile atu ja vizimbela tanu vamohi na mitoro mitanu dile, aliwa hela muatereladoni mule. Nomala enne, kohiyaga ng'ombe dile ira didowege wafuna atu.

1 Samuweli 7:13

Mwa enne aFilistewu kohogondjihiwa eto tchawelenle volowa ilambo ya aIzarayeli ira kaawake jengo jiwa. Tchoira Yehova ohela ndanda ira aFilistewu kahawande kana kopolo yaka datene datonga Samuweli.