1 Samuweli 5:8 - Mazu Otchena a Mulungu

⁸ Evale koharuma atu ira kaagumanihe amwene atanu a aFilistewu. Evale andimuwa kagagumanne, akuda Ajidode kohofuka ira: <<Niireni avi na Kaxa ya Mulugu wa aIzarayeli?>> Evale aliwa kohowakula ira: <<Yapamiwa Kaxa ya Mulugu wa aIzarayeli ila ivire, idowe yakale sidadi ya Gate!>> Mwa enne kagavwile zelru yenne, aliwa kohotukula Kaxa ya Mulugu wa aIzarayeli ile, ivirana, aliwa idowana sidadi ya Gate.

1 Samuweli 5:8 ပူးပေါင်းရင်းမြစ်များ

1 Koronika 7:21

Tati ohombala Zabade, Zabade ohombala Sutela. Efarayimi ohabala eto alombwana amohiwa ambinli Ezeri na Eleyade. Aliwa kohopiwa na alombwana a sidadi ya Gate mwasiwa kavenda joabela akuda Gate jifuwo jiwa.

Jozuwe 13:3

romela mwana muhindje wa Siyori, wenno unafwanyeya makumelo wa nzuwa wa Ijipitu dowaga pandi ya norti mmadilreni mwa Ekoromi, wewo wabalriwa nnga ilambo ya aKana, dowaga wewo unafwanyeya amwene atanu katongaga sidadi tanu da aFilistewu di: Gaza, Ajidode, Ajikelomi, Gate na Ekoromi. Eto ihala ilambo ya akuda Ava,

Jozuwe 15:11

Madilre anno kahara mmamikumani fiyeda norti wa ilambo ya Ekoromi dowa gomela ilambo ya Sikeromi ante vira mwangoni wa Bala, dowa demula ilambo ya Jabineli ante dowa gomela bara Mediteraniyo.

1 Samuweli 17:4

Mwa enne ohokalagawo munyakondo mmohi wa kopolo akumilege vakapamentoni va aFilistewu vale wenno aitaniwa Goliya. Waniwa ali ilambo ya Gate. Liye ali mulombwana olapa okwakwana mameturu mararu.

1 Samuweli 17:52

Nomala eno, alombwana a aIzarayeli na a Juda, kohoromaga kuwa, aliwa aharaga aFilistewu katawa ale. Kohoromaga ahara kaapaga, ante aliwa afiyana sidadi ya Gate, ante vamulangoni va Ekoromi. Evale dofwanyeyaga mitembo gwembelre gwembelre da aFilistewu kakwile, romela Sarayimi fiyeda sidadi da Gate na Ekoromi.

1 Samuweli 29:6

Evale mulombwana Akiji ohomuitanaga Davi amuwandelaga eraga: <<Miyo nnawonga vamentoni va Yehova okalawo ira miyo kaduonnena yabure eto miyo dohofuna ira weyo udikamihedege mukondoni. Miyo romela siku nazilege we fiyeda peno kadufwannyena yabure. Mbwenye amwene afwaga anauwanganyeda.

1 Samuweli 5:11

Evale na aliwene kohagumaniha amwene atene a aFilistewu akoka, aliwa kwi: <<Hiyo nnafuna mutukule Kaxa ya Mulugu wa aIzarayeli ile, mudowe mwahiye wakoka wene wali atu ilambo ya aIzarayeli. Mwasiwa mwahiya wewuno, inomala nipa hiyo na atwihu.>> Kawongela eno mwasiwa musidadi mwatene mohokwa atu adjindji na jonongeya jidjindji na mwasa wa makalelo abure Mulugu aatongile liye na ndanda naye na kopolo.

1 Samuweli 5:7

Mwa enne vaonne atu urenda waavahile Mulugu ule, kohowongaga, aliwa ira: <<Mulugu wa aIzarayeli unitonga hiyo atenene vamohi na mulugu wehu Dagomi. Yapamiwa Kaxa ya Mulugu wa aIzarayeli ivenyemo mwilamboni mwehu muno.>>

1 Samuweli 6:2

Evale aFilistewu kohaitanihaga anamakuta ewa na aliba wombeza. Evale kagazile, kohafukaga, aliwa ira: <<Hiyo nnafuna nitukule Kaxa ila ira nivelele wa annya mwasiwa inosimbwa nizuzumiha. Kodi makalelo bavi anafuna hiyo velela Kaxa ya Yehova ila?>>