1 Samuweli 4:4 - Mazu Otchena a Mulungu

⁴ Mwa enne koharumaga atu Silo ira kadowele Kaxa ya Yopangana ya Yehova wa Makuru Matene, wenno unakala vari va akerubi ambinli. Ora yenno, mulombwana Hofini na mbalaye Fineyasi anno kali ana Eli kohokalavo kavelelaga kaxele kadowagana wafwanyeya aIzarayeli.

1 Samuweli 4:4 ပူးပေါင်းရင်းမြစ်များ

2 Samuweli 15:24

Fwanyeya ira ora yakuma atu musidadi mule, mulombwana Abiyatare na Zadoki vamohi na aLevi atene kohozagana Kaxa ya Yopangana ya Mulugu, aliwa ihiya vati fiyeda atu atene kumamo musidadi mule.

2 Amwene 19:15

Noira enne, mwene Ezekiya oholobelaga wa Yehova eraga: <<Yehova Mulugu wa Izarayeli munakala vari va akerubi, nyo bahi guli Mulugu wa maumwene atene a ilambo ya vati. Nyo gusakanyile ilambo ya zulu na ilambo ya vati.

Izaiya 37:16

<<Yehova wa Makuru matene, Mulugu wa Izarayeli munakala vari va akerubi, nyo bahi guli Mulugu wa maumwene atene a ilambo ya vati. Nyo gusakanyile ilambo ya zulu na ilambo ya vati.

Malakiya 1:9

Yehova wa Makuru Matene unawonga ira: <<Masiki mudivepe dagali Mulugu na upama unna miyo ira dikayena sayi na nyo, kodi na jovelela jotakala jejo jili mmandani mwenyu, miyo nnowanda rumela? Miyo kannamuirela upama nne mutu mmohi mwa nyo.

1 Samuweli 1:24

Mwanole agahiyile wamwa, Ana ohotukulaga ng'ombe ya mulombwana ya yaka taru, kilu kumi da utu, raguwa osakanyiwa na tembe na mwanainyama mwemo mwazanle vinyu, vamohi na mwanole, liye venyihana dowaga. Ana ohomudowana mwanole Nyumba ya Yehova ilambo ya Silo. Tempu yenno mwanole afwanyeya agali mwana mung'onong'ono.

1 Samuweli 14:3

Muwari mwa atu kafwanyeya na liye ale, mmohi ali namakuta wenno awaretcha kuleti ya unamakuta. Nzina naye ali Ayiya. Ayiya ali mwana Ayitube. Ayitube wenno afwanyeya agali Ikabu mbalaye eto ali mwana Fineyasi. Fineyasi eto ali mwana Eli, wenno ali namakuta wa Yehova ilambo ya Silo. Eto atu atene a Sawuli tchaiziwile ira Jonata ohovenyavo.

1 Samuweli 2:22

Mulombwana Eli ohomala ulula. Liye owandeliwetcha jabure jatene jaira ahimaye kaairelaga aIzarayeli. Eto owandeliwetcha zela makalelo kairetcha ahimaye agonihaga anamwali kalaba va mulango va Musasa Ogumanamo.