1 Samuweli 4:19 - Mazu Otchena a Mulungu

^19-20 Eli ohomukana nijaliye wenno ali Fineyasi muhiyanaye. Tempu yenno nijaliye ule afwanyeya aganna vambani eto tempu yaye yobala yagamukwivenle. Mwa enne liye agavwile ira: <<Kaxa ya Mulugu ihitukuliwa eto nijalawo vamohi na mamunawo kohokwa!>>, mbani mwaye mohotatamuwaga, liye roma ona upa. Muwari mwa upa waonaga liye, ohofwanyeyagana bulela wohokala wa masika, halaga vang'onove ira akwe. Mbwenye ahanakwe, agahanle vang'ono, ohombalaga mwana wa mwanapongwe. Evale ahiyana afwaye kambalihaga kohomuwandelaga, aliwa ira: <<Kukatamiheye tchoira weyo eni uhumbala mwanapongwe!>> Mbwenye liye mwa jatene jawongaga atu jile kabalraga nne kawakunlegeve yengo.

1 Samuweli 4:19 ပူးပေါင်းရင်းမြစ်များ

Jenesesi 3:16

Mulugu ohowonga na muhiyana eraga: <<Wakana vambani, miyo nnerege uwendjededa goyi dawo. Eto wafunaga bala unerege ona upa wohokala wa masika. Zela bandja nawo, weyo unerege nfuna mamunawo ira ukalege na liye eto liye gunausogolrelrege.>>

Jenesesi 35:17

Evale namabaliha agaonne katamiheya wa Rakeli, ohomuwandelaga, liye ira: <<Kuove! Tchineneva unombala mwana mmohiwa wa mulombwana.>>

1 Amwene 14:1

Mwa tempu yenne, mwana Jerobowawu mmohi wa mulombwana aitaniwa Abiya, ohokala murenda.

1 Samuweli 4:18

Mwa enne mulombwana Eli agavwile ira: <<Kaxa ya Mulugu ihitukuliwa!>>, liye ohovivoka vakaderani vagaratilege liye vale wandamelana va mulango vale, liye gwela unduli waye na igogori. Muwari moira liye ali mulombwana oruva eto ohomala ulula, gwa wagwile liye, nikohi naye nohokotowaga ante liye fiyeda kwa ora imohive yenne. Eli aasogolrenlre aIzarayeli yaka 40.