1 Samuweli 4:13 - Mazu Otchena a Mulungu

¹³ Mwa enne tempu yafiyaga liye musidadi mule, mulombwana Eli agaratilege vakaderani vaye wandamelana mundila, aing'anaga ndila. Tchoira liye ohokana kumbanya ulukulu zela Kaxa ya Mulugu yatukunle atu ile. Mwa enne mulombwanole agafiyile, ababihilege volowa musidadi mule, liye roma awandelamo atu atene zela jejo jaireyile. Atwale kagavwile mazu anne, kohoromaga nla dugu dugu dugu.

1 Samuweli 4:13 ပူးပေါင်းရင်းမြစ်များ

Jozuwe 7:9

Mwasiwa akuda Kana na atu atene anakala ilambo yenna kavwa, anoza kanirindje hiyo atene kamale nipa. Hiyo atene vamohi na nzina nehu na aIzarayeli nnotimihiwa mwilamboni ya vati. Nnga jaireya eno nzina nenyu nindimuwa nnafuna nigomele avi?>>

1 Samuweli 1:9

Siku nimohi akuda Elikana kagavelenle mukuto sidadi ya Silo, kagadjile, kagang'wile, Ana ohovenyaga ira alobele. Ora yenno namakuta Eli afwanyeya ogaratene vakaderani vaye wandamelana va mulango wa Nyumba ya Yehova nnga veretcha liye.

1 Samuweli 4:14

Mwa enne namakuta Eli agavwile kuwa zela nla wanlaga atu ule, ohotikinaga eraga: <<Kodi kuwa uwa wo kwa nni?>> Mohodibeliwa pazaga eto mulombwanole ira amuwandelemo Eli jatene jaireyile.

1 Samuweli 4:18

Mwa enne mulombwana Eli agavwile ira: <<Kaxa ya Mulugu ihitukuliwa!>>, liye ohovivoka vakaderani vagaratilege liye vale wandamelana va mulango vale, liye gwela unduli waye na igogori. Muwari moira liye ali mulombwana oruva eto ohomala ulula, gwa wagwile liye, nikohi naye nohokotowaga ante liye fiyeda kwa ora imohive yenne. Eli aasogolrenlre aIzarayeli yaka 40.