1 Samuweli 4:10 - Mazu Otchena a Mulungu

¹⁰ Kagairile enne, aFilistewu kohovenyaga, aliwa dowa roma wana kondo akoka na aIzarayeli. Mwa enne tempu yawana atu, aFilistewu ale kohofiyeda mwezo oagondjiha aIzarayeli. Evale kada mutu otawelaga vande vaye eto kohopiwaga anyakondo a aIzarayeli ohokala a masika okwakwana 30.000 owenda na mendo.

1 Samuweli 4:10 ပူးပေါင်းရင်းမြစ်များ

2 Samuweli 18:17

Evale kohodowaga, aliwa mutitihavo mulombwana Abisalawu, aliwa dowa mutatilela mmulihani afwanyeya muguguruni emule, nomala eno aliwa gudelavo mabwe ohokala a masika vazulu viwa vale. Noira enne, aIzarayeli atene kamuhara Abisalawu kohotawaga, kada mutu liye dowaga vande vaye.

2 Samuweli 18:7

Evale kagatatamunle kondo kawanaga, aIzarayeli anno kasogolrelriwa na mulombwana Abisalawu, kohogondjihiwaga na makalelo ohokala a masika na anyakondo a Davi. Mwa enne kohokwaga alombwana 20.000.

2 Samuweli 19:8

Mwa enne mwene Davi ohovenyaga, liye dowa garati va mulango wa sidadi. Noira enne, atu atene kohowandeliwa ira: <<Mwene uhukuma ugarati va mulango.>> Kagavwile enne, atene kohomaruwaga, aliwa dowa vivelela vamentoni va mwene. Fwanyeya ira aIzarayeli atene kamuhara mulombwana Abisalawu kohotawaga, kada mutu liye dowa kala vande vaye.

2 Samuweli 20:1

Mwa tempu yairaga atu enne, vevale vohokalaga mulombwana mmohi ohokana mabasa, mwana Bikiri wenno aitaniwa Seba, wa nlogo na Benjami. Mulombwana Seba ule ohoimbaga palraza awongaga eraga: <<Alombwana hiyo kaninna pandi na mwene Davi nne hiyo kannavahiwa jorayela vamohi na mwana Jese. Eni kada muIzarayeli avenye, adowege vande vaye!>>

1 Amwene 12:16

Mwa enne aIzarayeli atene kagumannege evale, kagaonne ira mwene kafuna avwelela yovepa yewa, aliwa kohomuwakulaga mwene keraga: <<Kodi hiyo ninna pandi nni na mwene Davi? Hiyo kaninna yoing'anela inafuna hiyo vahiwa vamohi na Davi mwana Jese. Kambeni nibalaleyeni kada mutu adowege vande vaye. Nyo akuda Davi mwahala, mutonganege nyoka!>> Mwa enne aIzarayeli kohobalaleyaga, kada mutu dowaga vande vaye.

1 Amwene 22:36

Mwa enne nzuwa nagavirile, wohovweyaga nizu nakuwaga muwari mwa nikuru na anyakondo a aIzarayeli nne ira: <<Kada mutu adowege sidadi yaye eto kada mutu adowege waniwa!>>

2 Amwene 14:12

Mwa enne aJuda kohogondjihiwa na aIzarayeli, kada mutu roma tawelaga vande vaye.

Detoronomiyo 28:15

<<Mbwenye mwaviringaniha mazu awongile Yehova Mulugu wenyu, mwahakale atu oharihamo muwari moing'ana pama malamulo na mangano a Yehova Mulugu anna anauwandelani miyo peno, matembelrelro anafuna za ufwanyani, ba ala:

Detoronomiyo 28:25

Yehova unosakanya ira amwidaninyu kavenya ira kaze kawane na nyo, kaugondjihegeni. Mwera muvenye ira mudowe mwawane, munerege dowa ndila imohive. Mbwenye matawelo a wewule, munerege balaleya muharaga ndila tanu na mbinli. Eto maumwene matene a mwilamboni ya vati kauonani, anokala orendjeyene na mwasa wa makalelo abure munafuna nyo kana.

1 Samuweli 3:11

Evale Yehova ohoromaga muwandela Samuweli eraga: <<Miyo nnafuna disakanye yengo yotikiniha muwari mwa aIzarayeli. Yengo inafuna miyo sakanya, mutu wenne unavwe zela ubure unafuna miyo irana, unokala waheyo.

1 Samuweli 4:2

Mwa enne kohoromaga wana. Kawanaga, aFilistewu ale kohagondjihaga aIzarayeli, aIzarayeli aliwa roma porotchiwa na makalelo ohokala a masika fiyeda aliwa kwa alombwana okwakwana 4.000.