1 Samuweli 31:4 - Mazu Otchena a Mulungu

⁴ Evale mwene Sawuli ohomuwongana nkamihedi waye wenno atukuletcha fwaramento daye dowanana, liye ira: <<Kapulula supada nawo, udimarihena tawiha ira atu ohoineliwa ala anaze kadizuzumihe!>> Evale nkamihedi ule ohoovaga. Na mwasa wenno kaampilege. Sawuli agaonne ira: <<Nkamihedi wagola kanafuna dipa!>>, ohotukulaga supada naye, liye imetcha vati, viwambana mwinnya.

1 Samuweli 31:4 ပူးပေါင်းရင်းမြစ်များ

2 Samuweli 1:1

Sawuli agakwile, Davi agawenlewo kondoni wewo waagondjihile liye aAmaleki, ohokalaga waniwa Zikalagi malambo menli.

2 Samuweli 1:14

Evale Davi ohowelelave nfuka eraga: <<Kodi weyo uwandile avi tukula ndanda nawo we mpana mulombwana wenno uhambihiwe na Yehova?>>

2 Samuweli 1:20

Kamudowe mwawonga sidadi ya Gate nne mmarampani a Ajikelomi zela jiireyile, tawiha ira anamwali a aFilistewu kavwa, anahagalalege. Kamuwongege tawiha ira anamwali a atu ohoineliwa anaze kavwe, karome lupalupa moteyela.

2 Samuweli 1:6

Evale muzombole amuwandelaga mazwale, ohowongaga eraga: <<Ira miyo diwande iziwa, iireyile eni: Miyo dafwanyeya mwango wa Jilibowa. Miyo dagali wewule, dohonfwanya mwene Sawuli agasamenle mwanango waye, agaporeyile, agahanle vang'ono ira akwe. Eto dohoonaga aterelado vamohi na kavalo da kondoni dagali vakwikwive ira dinfwanye.

2 Samuweli 17:23

Mwa enne mulombwana Ayitofeli agaonne ira zelru dawongile liye kadahariwe, ohela yogaratela vaburuni vaye, liye gwelavo, dowa vande vaye sidadi ya waniwa. Agafiyile wewule, ohagawela atu johala jejo jafuna liye hiya. Nomala enne, ohovimangelelaga, liye kwa. Agakwile ohokoyiwa masiyeni wewo wakoyiwe babaye.

2 Samuweli 21:12

Davi agavwile enne, oharumaga atu ira kadowe sidadi ya Jabeji-Jileyadi ira katukule makuva a Sawuli na makuva a mwanaye Jonata. Tchoira Sawuli na Jonata kagapiwile na aFilistewu ilambo ya Jilibowa, akuda Jabeji-Jileyadi badowile sidadi ya Bete-Seya, aliwa dowa mozemba, tukulavo mitembo diwa varampani vevo vaatomeyile aFilistewu.

1 Amwene 16:18

Evale mwene Zimiri agaonne ira sidadi yafwanyeya liye ile yohomala gondjihiwa, ohovolowaga nyumbaye ya umwene, liye vitumeyela mmba emule ekave, fiyeda kwela emule.

1 Amwene 16:27

Joira jimohi jiwa ja mwene Omiri, na mabasa matene alabile liye vamohi na kopolo daye, jinafwanyeya jagalrembiwe mulivuruni mwa Joira ja Amwene a Izarayeli.

1 Koronika 10:4

Evale mwene Sawuli ohomuwongana nkamihedi waye wenno atukuletcha fwaramento daye dowanana, liye ira: <<Kapulula supada nawo, udimarihena tawiha ira atu ohoineliwa ala anaze kadizuzumihe!>> Evale nkamihedi ule ohoovaga. Na mwasa wenno kaampilege. Sawuli agaonne ira: <<Nkamihedi wagola kanafuna dipa!>>, ohotukulaga supada naye, liye imetcha vati, viwambana mwinnya.

Anamasogolrelra 14:3

Mbwenye babaye vamohi na mmaye kohonfuka, aliwa ira: <<Mwasiwa gwa nni we funaga dowa mutela muhiyana muwari mwa aFilistewu, atu ohoineliwa nnga anne? Kodi muwari mwa nlogo nehu owu hehi muwari mwa aIzarayeli atene kalimo muhiyana ofwanela ira umutele?>> Evale Samisawu ohomuwandelaga babaye eraga: <<Miyo difunne mwaditelihe na liyene, mwasiwa liye uhudiriyela.>>

Anamasogolrelra 9:54

Mwa enne mulombwana Abimeleki ohomuitanaga mobaranya muzombwe wenno atukuletcha jowanana jaye, liye ira: <<Kapulula supada nawo udipena, tawiha ira anadiwongege kerege: <Abimeleki upiwe na muhiyana!> >> Evale muzombwaye ule ohomulataga na supada naye, liye kwa.

1 Samuweli 14:6

Evale mulombwana Jonata ohowonga na muzombwe anna liye ule, liye ira: <<Ndowe vakapamentoni va anyakondo a aFilistewu anno kahaineliwe. Ha ejo Yehova afuna, unonikamiheda. Tchoira liye anikamiheda masiki nilive ambinli, nnoagondjiha. Mwasiwa Yehova ira agondjihe kavali yorutcha. Masiki mukale adjindji eto masiki mukale a vang'ono, jatene jinowandeya.>>

1 Samuweli 17:26

Mwa enne Davi ohafukaga alombwana aawandamenlege liye, eraga: <<Kodi mutu wenne unampe nFilistewu ule, amaliha manyazo anna hiyo aIzarayeli, unavahiwa nni? Kodi nFilistewu mutu ohoineliwa nnga wenna bani ira liye aze apokihege na makalelo anna nikuru na anyakondo a Mulugu Okalawo?>>

1 Samuweli 17:36

Miyo namalaba wenyu, dahaapa apodogoma na aurusu. Eto nnafuna dimusakanye na makalelo amohive nFilistewu ule, mutu ohoineliwa, mwasiwa liye upokihile nikuru na anyakondo a Mulugu Okalawo.

1 Samuweli 26:10

Miyo nnawonga vamentoni va Yehova okalawo ira liyene mwinnya unompa, hiya kala miyo. Owu hehi liye podi kwa siku naye nafiya. Owu hehi liye podi kwa kondoni!

1 Samuweli 31:5

Eto nkamihedi ule agaonne ira Sawuli uhukwa, na liyene ohopululaga supada naye, liye imetcha vati, viwambana mwinnya. Evale ambinlene kohokwaga vamohi.