1 Samuweli 31:2 - Mazu Otchena a Mulungu

² Mwa enne aFilistewu kohomutamangihaga mwene Sawuli na ahimayene, aliwa fiyeda mwezo oapa ahima araru a Sawuli romela Jonata, Abinadabe na Malekisuwa.

1 Samuweli 31:2 ပူးပေါင်းရင်းမြစ်များ

2 Samuweli 1:6

Evale muzombole amuwandelaga mazwale, ohowongaga eraga: <<Ira miyo diwande iziwa, iireyile eni: Miyo dafwanyeya mwango wa Jilibowa. Miyo dagali wewule, dohonfwanya mwene Sawuli agasamenle mwanango waye, agaporeyile, agahanle vang'ono ira akwe. Eto dohoonaga aterelado vamohi na kavalo da kondoni dagali vakwikwive ira dinfwanye.

2 Amwene 25:7

Ahima a Zedekiya, kohatukula, aliwa apa vamentoni vaye, babiwa aing'anaga. Noira eno, kohotwaga meso a Zedekiya, aliwa mmanga na makurenti menli a mukuwa, aliwa mudowagana Babiloniya.

1 Koronika 10:2

Mwa enne aFilistewu kohomutamangihaga mwene Sawuli na ahimayene, aliwa fiyeda mwezo oapa ahima araru a Sawuli romela Jonata, Abinadabe na Malekisuwa.

1 Koronika 8:33

Neri ohombala Kixi, Kixi ohombala mwene Sawuli, Sawuli ohombala Jonata, Malekisuwa, Abinadabe na Esibaali.

1 Koronika 9:39

Neri ohombala Kixi, Kixi ohombala Sawuli, Sawuli ohombala Jonata, Malekisuwa, Abinadabe na Esibaali.

Ezodu 20:5

Kamukokorele eto nne kamutamalele jejo mwasiwa miyo Yehova Mulugu wenyu dili Mulugu okana sandje. Tchoira atu anno anadiida, miyo nnotonga yotega yewa mwa ahimiwa anaabalege atu, fiyeda azuliwa ahimiwa.

1 Samuweli 13:16

Sawuli na mwanaye Jonata vamohi na alombwanaye, kohokalagave Jeba ilambo ya nlogo na Benjami. Eto aFilistewu kohokunga misasa diwa ilambo ya Mikimasi.

1 Samuweli 13:2

ohasakulramo alombwana okwakwana 3.000 muwari mwa aIzarayeli. Muwari mwa alombwana 3.000 aasakunlre liye ale, ohatukulaga 2.000, liye adowagana ira kakale na liye sidadi ya Mikimasi, yenno inafwanyeya ilambo ya mmwangoni ya Beteli. Alombwana amohiwa 1.000, liye ahiya na mwanaye Jonata sidadi ya Jibeya, ilambo yakala nlogo na Benjami. Atu atene amohiwa ohala ale, liye aruma aliwa dowaga mmavande mwiwa.

1 Samuweli 14:22

Eto aIzarayeli anno kavitanle ilambo ya mmwangoni ya Efarayimi, kagavwile ira: <<AFilistewu anatawa>>, aliwa kohovituwaga, aliwa gumanela na afwiwa amohiwa ale, roma wanaga na aFilistewu.

1 Samuweli 14:49

Sawuli anna ahima a alombwana araru: Jonata, Isivi na Malekisuwa. Eto ohokana ahima a ahiyana ambinli. Wa mulukuluwa aitaniwa Merabe, wang'onong'onuwa aitaniwa Mikali.

1 Samuweli 23:17

Jonata ohowonga na Davi eraga: <<Eni weyo wagarati, kuovege. Tchoira babaga Sawuli kanaupa! Eni weyo unofiyeda kala mwene wa Izarayeli eto miyo nnokala mutu wanembinli muwari mwa utongi wawo. Eto eni babaga uhumala iziwa jatene jejo!>>

1 Samuweli 28:19

Vamohive vevo liye unouvaheda weyo vamohi na mulogo watene wa aIzarayeli mmandani mwa aFilistewu. Metchelo weyo vamohi na ahimawo munomala piwa, muze mukale vamohi na miyo wewuno. Eto Yehova unoavaheda nikuru na anyakondo a aIzarayeli mmandani mwa aFilistewu.>>