1 Samuweli 30:8 - Mazu Otchena a Mulungu

⁸ Noira enne Davi ohonfuka Yehova, liye ira: <<Yehova, kodi daahare akuda Amaleki? Kodi daahara, nnoawanda?>> Yehova ohowakula, liye ira: <<Kaaharege. Unoafwanya eto unoawaka atwinyu atene kaatukunle atu.>>

1 Samuweli 30:8 ပူးပေါင်းရင်းမြစ်များ

Jenesesi 14:16

Ohawakaga jorayela jatene jatukunle atu eto ohomutukulaga muzuliye Lroti vamohi na jatene janna liye na ahiyana vamohi na atu atene katukuliwe.

2 Samuweli 5:19

Evale Davi agavwile ira: <<Eni aFilistewu kohomala mwadeyela ndabo na Refayina>>, ohonvepaga Yehova eraga: <<Yehova kodi miyo didowe dawane na aFilistewu? Dawana na aliwa munodivaheda mmandani mwaga?>> Evale Yehova ohomuwandelaga eraga: <<He, we podi dowa wana na aliwa, miyo nnouvaheda mmandani mwawo ira weyo waagondjihe.>>

2 Samuweli 5:23

Evale Davi ohonfukaga akoka Yehova. Nomala eno, Yehova ohomuwakula eraga: <<Fendo ila kudowe wawane sogolro wewa, so mbwenye inafwanela udowe vili mitengo da amore, waakumelele mundulri mwiwa.

Ezodu 15:9

Amwidani kawonga ira: <<Ndoweni, naahareni. Naafwanyani, naawakeni jorayela jewa, niganeni. Eto nnoairela makalelo matene anafune hiyo. Nitukuleni masupada ehu na mandihu, naapeni.>>

Anamasogolrelra 20:18

Mwa enne aIzarayeli ale kohomaruwaga, aliwa dowa Beteli. Eto kohonfukaga Mulugu aliwa ira: <<Kodi muwari mwa hiyo bani unafuna kala murandji ira awane na akuda Benjami?>> Evale Yehova ohawakula, liye ira: <<AJuda banafuna kala arandji dowa wana.>>

Anamasogolrelra 20:23

Evale aIzarayeli kohodowaga, aliwa roma nla vamentoni va Yehova roma mabebehi ante tchiguwo keraga: <<Yehova, kodi hiyo podi welela ira nawane akoka na abalihu akuda Benjami?>> Evale Yehova ohawakula ira: <<Kadowani mwawane na aliwa.>>

Anamasogolrelra 20:28

Eto malambo anne mulombwana Fineyasi mwana Eliyazari, muzula wa Arawu, gwalabetchana Kaxa ya Yopangana ile.) Evale aliwa kohonfuka Yehova keraga: <<Kodi nyo munofuna ira nidowe akoka nawane na abalihu akuda Benjami owu hehi kaniyewo?>> Evale Yehova ohawakula ira: <<Kadowani, tchoira metchelo miyo nnouvahedani aliwa mmandani mwenyu.>>

Anamasogolrelra 8:4

Mwa enne mulombwana Jideyawu ohozaga lambuwa muhindje Jordawu vamohi na alombwana 300 anno kafwanyeya vamohi na liye. Atene anne kafwanyeyaga kagamanle waheya, mbwenye masiki kagawaheyileve, kohokalelagave ahara amwidaniwa.

1 Samuweli 10:22

Noira enne, kohonfuka Yehova, aliwa ira: <<Kodi mutu usakulriwe uli veva?>> Yehova ohowakula, liye ira: <<He uli veva. Eni uvikoyile ule unafwanyeya mitolro ule.>>

1 Samuweli 14:37

Evale Sawuli ohonfukaga Mulugu, liye ira: <<Didowe dawane na aFilistewu? Dadowa ira dawane, kodi nyo munoavaheda mmandani mwa aIzarayeli?>> Mbwenye Mulugu kawakunlegeve yengo siku nenne.

1 Samuweli 23:2

Evale Davi agavwile enne, ohonfukaga Yehova eraga: <<Yehova, kodi didowe dawane na aFilistewu?>> Evale Yehova ohomuwakulaga eraga: <<He, kadowa wawane na aFilistewu. Waavunele akuda Keyila!>>

1 Samuweli 23:4

Noira enne, Davi ohonfukaga Yehova akoka, liye ira: <<Yehova, na ibaribari nidowe nawane na aFilistewu?>> Evale Yehova ohomuwakulaga akoka, liye ira: <<Kavenya, udowe Keyila. Tchoira miyo nnouvaheda aFilistewu mmandani mwawo ira waagondjihe!>>

1 Samuweli 28:6

Evale Sawuli ohodowaga nfuka Yehova yafuna liye ira. Mbwenye Yehova kaamuwakunlege, nne muwari moroha, nne muwari mwa Urimi, nne muwari mwa anamafiyiheda.

1 Samuweli 30:18

Mwa enne Davi ohawakaga aAmaleki ale jatene jatukunle atu eto ohavunelaga ahiyanaye ambinlene.

1 Samuweli 30:19

Mwa jengo jatene jatukunle atu, kilivo yengo yadimenle. Nne ing'ining'ini, nne ilukulu, nne mwana wa muhiyana nne mwana wa mulombwana, nari yengo ili yatene yatukuliwe, Davi ohawaka jatene.