1 Samuweli 30:6 - Mazu Otchena a Mulungu

⁶ Evale alombwana a Davi ale muwari mojamo zela ahimiwa na ahiyana anno katukuliwe, kohowongaga ira: <<Ndoweni nimpeni Davi na mabwe.>> Evale Davi agaonne enne, ohokukumuwaga valukulu. Mbwenye ohovilimbihedaga kopolo daye muwari mwa Yehova Mulugu waye.

1 Samuweli 30:6 ပူးပေါင်းရင်းမြစ်များ

Jenesesi 32:7

Evale Jako agavwile enne, ohokukumuwaga valukulu aovaga. Ohoroma agawa atwaye vamohi na mabila na mbuzi na ng'ombe na akamelo anna liye, makuru menli.

2 Samuweli 17:8

Tchoira nyo muhuiziwa pama ira babinyu vamohi na alombwana unna liye ba atu a kopolo kwaranya nyo eto aliwa kali otakaleliwene nnga urusu wa muhiyana abeliwa ahimaye! Eto hiya yennove bahi, nyo muhuiziwa ira babinyu gu mutu oxangetchetcha zela ja kondo. Liye kaza avireliwa umahiyu watene vamohi na atu atene.

2 Amwene 4:27

Evale muhiyanole agafiyile wa Elizewu vamwangoni, ohodowaga, liye kumbarela manyalo a Elizewu. Mwa enne Jeyazi, namalaba wa Elizewu ule, ohodowaga ira amukumihevo muhiyanole vamanyaloni va Elizewu vale. Mbwenye mutu wa Mulugu ule ohowongaga eraga: <<Kamuhiye, tchoira liye uhukana kumbanya ulukulu mmirimani mwaye. Mbwenye Yehova uhudikuwa, kadiwandenle imukumbanyihile.>>

Ezodu 17:4

Evale Mozeji ohonvepaga Yehova eraga: <<Miyo atwala daairena avi? Kaaoneni, eni kahanle vang'ono ira kadipe na mabwe!>>

Izaiya 25:4

Tchoira roma wanle nyo muli nimburo nolimba para atu osimela. Nyo muli nimburo nolimba para atu ohaleliwa jengo anafwanyeya mmakatamihoni. Nyo muli nnga motawela nipevo nlukulu eto muli nnga muriti tempu ya nzuwa. Tchoira atu a uwali anakala nnga nipevo nlukulu nnabubuda ntchihi,

Jonasi 2:2

eraga: <<Dohomuitana Yehova mmakatamihoni mwaga. Noira eno, liye ohodiwakula. Dohokuwa dagali Nimburo na Anokwa. Noira eno, nyo mohovwa nizu naga.

Matewuji 21:9

Mwa enne anamwindji atene romela ale kaligi sogolro vamohi na ale kaligi mundulri, kokuwaga keraga: <<Hozana mwana Davi! Orelihiwa gu Mwene wenno unaza na nzina na Nabwiya! Hozana Mulugu Okwaranya Jatene!>>

Matewuji 27:22

Pilatu ohafuka akoka eraga: <<Nnga damukutcha mulombwana Baraba, Yesu wenno unaitaniwa Namatikeliwa, dimuirena avi?>> Atene kohoiraga: <<Akomeliwe vamuradini!>>

Juwawu 8:59

Evale kohoroma doda mabwe ira kampena. Mbwenye Yesu ovikoya, liye kuma Nyumba ya Yehova vali liye, dowaga jaye.

Roma 4:18

Agali kaanna yodediha ira ambale mwana, liye ohororomela ira Mulugu unomukaliha baba wa malogo madjindji, nnga mwawandeliwele liye ira: <<Ahimawo anoza kakale oindjiva nnga nyenyedi.>>

Roma 4:20

Agavwile nipangano na Mulugu, kawanganyedile nne kakukumuwile. Liye alimbihave nroromelo naye amutitimihaga Mulugu

Roma 8:31

Kodi nnafuna niwonge avi muwari mwa jatene eji? Akala Mulugu gunanisogolrelra, kodi bani unafuna nigondjiha?

2 Korinto 1:6

Akala hiyo nnafwanyeya muwari mwa makatamiho, makatamiho ehu analaba ira nyo mulimbihiwe eto muvulusiwe. Eto akala hiyo nnafwanyeya muwari molimbihiwa, ili ira na nyenne mulimbihiwe. Limbihiwa wenyu munakana mwagavilenle muwari mwa goyi nnga dedo nnaona hiyo.

2 Korinto 4:8

Hiyo ninnana zuzumihiwa mwa jatene mbwenye kannafoka. Nnofiyeda gomeliwa zelru mbwenye kannafiyeda mwezo ohokana yodediha.

2 Korinto 7:5

Tchoira masiki nagazile Masedoniya, maningo ehu tchavumile nne vang'ono. Nohokana zuzumihiwa mwatene mwawenda hiyo. Unde, nohokana wanawana. Eto mmirimani mwehu, nofwanyeyana ova ulukulu.

Eberewu 13:6

Nona pa evale vanawanda hiyo wonga muwari mohokayikela ira: <<Nabwiya gu Nkamihedi waga. Miyo kannaova yengo ili yatene inadiirela atu!>>

Anamasogolrelra 18:25

Mbwenye akuda Dani ale kohomuwakulaga, aliwa ira: <<Kavayela miyalawo tawiha ira alombwana ohorutcha takaleliwa anafwanyeya muwari mwa hiyo anauzele tchineneva, upuzeye ingumi yawo vamohi na vingumi da atu a vande vawo.>>

Anamasogolrelra 20:22

Mbwenye aIzarayeli ale kohovilimbihedagave, mmetcheloni muwa aliwa tandana akoka nimburo nimohive neno vawana atu siku noroma.

1 Samuweli 1:10

Ana ohodowa Nyumba ya Yehova mosanyeya mwene, liye roma lobela muwari monla wohokala wa masika.

1 Samuweli 23:16

Jonata mwana Sawuli ohomaruwaga, liye dowa nfwanya mwango wa Oreza. Aganfwanyile ohoromaga mulimbiha ira amuroromelegeve Mulugu.

1 Samuweli 28:15

Evale Samuweli ohonfukaga Sawuli, liye ira: <<Katchiye, kodi weyo unadikukumulela nni udigwelihaga?>> Sawuli ohowakulaga, liye ira: <<Miyo dugweliheleni mwasiwa dire kala mmakatamihoni! AFilistewu anafuna jowana na miyo eto Mulugu uhudihiya. Danfuka, kanadiwakula, nne muwari mwa namafiyiheda nne muwari moroha. Nona duitanagani nyo ira mudiwandele inafuna miyo ira!>>