1 Samuweli 30:26 - Mazu Otchena a Mulungu

²⁶ Davi agawelenle Zikalagi, ohotukulaga pandi imohi ya jorayela jaawakile atu amwidaniwa kondoni, roma arumihedaga andimuwa a Juda, anno kafwanyeya kagali afwaye eraga: <<Miyo nnourumihedani nyo japama ji, jejo jaawakile hiyo amwidani a Yehova.>>

1 Samuweli 30:26 ပူးပေါင်းရင်းမြစ်များ

Jenesesi 33:11

Miyo nnouvepani ira muwatchele yovaha yenno izilena miyo uvahani mwasiwa Mulugu unodiirela upama mwa sayi daye eto jihanlena miyo jihidikwakwana.>> Evale Jako ohomukanyihedagave mbalaye ule, fiyeda liye rumela watchela.

2 Samuweli 1:1

Sawuli agakwile, Davi agawenlewo kondoni wewo waagondjihile liye aAmaleki, ohokalaga waniwa Zikalagi malambo menli.

2 Amwene 5:15

Evale Namani vamohi na atwaye atene kohowelaga, aliwa dowa fiya vamentoni va mutu wa Mulugu ule, liye wonga eraga: <<Miyo peno dihiwanda iziwa ira na ibaribari ilambo yatene ya vati kaliwo Mulugu mmohiwa ahali Mulugu wa Izarayeli. Mwa eno, miyo namalaba wenyu nnouvepani ira muwande watchela mwana yovaha inafuna miyo uvahani.>>

Izaiya 32:8

Mbwenye mutu wapama unaumbuwela palano daye dapama. Unoimela muwari moirana palano daye dapama dile.

2 Korinto 9:5

Tcheniyo idivahile zelru ira daakokomeze abalihu ira kadowe sogolro waga ira kavayele gumaniha yovaha yenno yawongile nyo ira muvahe. Tchoira hiyo nnafuna ira nagafiyile, yovaha inafuna nyo vaha munivahede na mmirimani mwenyu mwatene hiya kalaga nnga nnaukosani muwari moziveliwa jokana jidjindji.

1 Samuweli 18:17

Nomala eno, mwene Sawuli ohowonga na Davi, liye ira: <<Miyo nnafuna duvahe mwanaga wa mulukulu Merabe ula ira umutele. So ira miyo duvahe ira umutele, nnafuna ira weyo urome dilaba nnga munyakondo wapama ororomeleya eto uwanege kondo da Yehova.>> Sawuli airaga enne aumbuwela ira: <<Miyo nnafuna diirena eni ira Davi adowe apiwe kondoni na aFilistewu hiya ira dimpe miyo.>>

1 Samuweli 25:27

<<Nnouvepani ira nyo mbwiyeni muwatchele yovaha dizilena miyo namalaba wenyu, mudowe mwaavahe atwinyu anouharani nyo mbwiyeni ira kadje.

1 Samuweli 25:28

Nnouvepani ira mudikurumuwele yabure isakanyile miyo namalaba wenyu mwasiwa vasogolro Yehova unosakanya ira nyo mbwiyeni mukale mwene vamohi na ahima munaabalege nyo. Jatene ejo Yehova unoirana mwasiwa nyo mbwiyeni munowana mukondoni mwatene munaurumani Yehova. Kalawo wenyu watene, kamuza mufwanyeyana yabure ili yatene.

1 Samuweli 30:20

Eto Davi ohawakaga jifuwo jatene romela mabila matene na ng'ombe datene. Eto alombwana a Davi ale kohogumanihaga mabila matene na ng'ombe datene daawakile atu aAmaleki, aliwa kumbuzaga vasogolro va Davi, Davi aharaga mundulri muwa. Aliwa kadowagana jatene ejile, kowongaga keraga: <<Eji ti jengo jipile Davi kondoni!>>

1 Samuweli 30:25

Eto kuma evale Davi ohokumiha nlamulo muwari mwa aIzarayeli atene ira jinawakiwa kondoni jigawiwege mokwakwanela muwari mwa aliba wana na aliba koya mitolro. Fiyeda siku na peno nlamulo neno nnolabave.