1 Samuweli 30:23 - Mazu Otchena a Mulungu

²³ Mbwenye Davi ohawandelaga eraga: <<Abalaga, nyo kamuirena eno jejo Yehova jinivahile liye! Liye uhunikoya eto uhunivaheda amwidani ehu mmandani mwihu.

1 Samuweli 30:23 ပူးပေါင်းရင်းမြစ်များ

Jenesesi 19:7

liye roma wonga eraga: <<Abalaga, nnouvepani ira mwahasakanye yabure.

Joira ja Anamarumiwa 22:1

Mulombwana Pawulo ohoroma wonga eraga: <<Nyo abalaga atene vamohi na ababa atene, muvuruwane mbalume yaga inafuna miyo wonga na nyo.>>

Joira ja Anamarumiwa 7:2

Estevawu ohowongaga eraga: <<Abalaga, ababi atene, nnafuna mudivuruwane pama. Mulugu Mundimuwa wa Ibaribari ohomutwanyuwela babihu Abarahamu ora yakala liye ilambo ya Mezopotamiya, ahanadowe ilambo ya Arani.

Detoronomiyo 8:10

Mwamala dja, mwarumbala, inafwanela mmutamalele Yehova Mulugu wenyu zela ilambo yapama yenno yuvahileni liye.

Detoronomiyo 8:17

<<Mwa eno, kamurome wongaga mmirimani mwenyu ira: <Miyo jorayela jatene jinna miyo diwandile kana muwari mwa kopolo daga na mandaga.>

Detoronomiyo 8:18

Mbwenye inafwanela mmuumbuwelege Yehova Mulugu wenyu ira liye gunavaha kopolo ira muwande kana jorayela. Liye gunairana jatene ejo ira akwakwanelihede yopangana yaye yalumbenle liye na makolo enyu nnga munaonela nyo peno.

Anamasogolrelra 19:23

Evale mundimuwole mwinnya wa vande vale ohokumaga, liye wonga na aliwa eraga: <<Nari abalaga! Kamuirena ubure okala nnga wenno! Voira mutula uhufiya vande vaga, kamuirena yotakaletchetcha nnga yenno!

1 Samuweli 2:7

Yehova gunasakanya ira atu amohiwa kakale orayela, amohiwa kasimele. Eto liyene gunaagweliha amohiwa, amohiwa atitihaga.

1 Samuweli 30:22

Mbwenye alombwana amohiwa otakala mirima, abure anno kadowilege na Davi kondoni, kohowongaga aliwa ira: <<Voira afwihu ala tchadowile vamohi na hiyo kondoni, hiyo kannaavahamo jengo jaawakile hiyo aAmaleki ale! So mbwenye aliwa anaatukula ahiyaniwa na ahimiwa bahi, kadowege.>>

1 Samuweli 30:24

Kalivo unafuna vwelela jejo jinawonga nyo! Jatene niganeni mokwakwanela. Ale kahanlena mitolro vamohi na ale kadowile kondoni, gana uwa inafwanela ira ukale sawasawa.>>

1 Samuweli 30:8

Noira enne Davi ohonfuka Yehova, liye ira: <<Yehova, kodi daahare akuda Amaleki? Kodi daahara, nnoawanda?>> Yehova ohowakula, liye ira: <<Kaaharege. Unoafwanya eto unoawaka atwinyu atene kaatukunle atu.>>