1 Samuweli 30:22 - Mazu Otchena a Mulungu

²² Mbwenye alombwana amohiwa otakala mirima, abure anno kadowilege na Davi kondoni, kohowongaga aliwa ira: <<Voira afwihu ala tchadowile vamohi na hiyo kondoni, hiyo kannaavahamo jengo jaawakile hiyo aAmaleki ale! So mbwenye aliwa anaatukula ahiyaniwa na ahimiwa bahi, kadowege.>>

1 Samuweli 30:22 ပူးပေါင်းရင်းမြစ်များ

1 Amwene 21:10

Mwaira eno, mwaasakulre alombwana ambinli otakala mirima kadowe sogolro ule, kamusumele ira: <Eni weyo uhumululuviha Mulugu eto uhumululuviha mwene.> Era eno mmutukule liye, mmukumihede unde wa sidadi, mudowe mwampe na mabwe.>>

1 Amwene 21:13

Noira enne, kohozaga alombwana ambinli otakala mirima, aliwa dowa garati sogolro wa mulombwana Naboti ule. Mwa enne alombwana otakala mirima ale kohoromaga wonga mazu abure omusumela Naboti vamentoni va atu atene keraga: <<Mulombwana Naboti uhumululuviha Mulugu eto uhumululuviha mwene.>> Mwa enne kohomudowagana unde wa sidadi, aliwa roma nvoka mabwe, liye fiyeda kwa.

Matewuji 7:12

<<Nona inafwanela mwaairelege afwinyu jengo jatene jejo jinafuna nyo nnga aliwa kauireleni nyo. Tchoira tchenna inakokomeziwa muwari mwa malamulo matene na mazu matene kawongile anamafiyiheda.

Detoronomiyo 13:13

mwavwa ira kohokalawo alombwana angasi angasi kakumile muwari mwa nyo kadowa kawongaga mazu oaholotcha atu anafwanyeya muwari mwa sidadi yewa, kawongaga keraga: <Ndoweni naaharegeni amilugu amohiwa>, amilugu anno mwahaaiziwile nyo,

Anamasogolrelra 19:22

Evale aliwa kahagalalaga, kohokalawo alombwana a sidadile kavenyilege, alombwana otakala mirima, aliwa za rindja nyumbele. Mwa enne kohoromaga gogoda musuwo kamukuwelaga mundimuwole mwinnya wa vande vale, keraga: <<Kamukumihede unde uno mulombwana uzile vande vawo vano ira hiyo nimugonena.>>

1 Samuweli 22:2

Kohokalawo atu oindjiva kavenyilege amohiwa okana makatamiho, amohiwa okana mangawa, amohiwa aliba takaleliwa, aliwa dowa ira kagumane na mulombwana Davi, kakalege na liye. Malambo anne kohogumaneyaga vali mulombwana Davi vale wandamelana alombwana 400. Kagafiyile wewule, Davi ohokalaga musogolrelri wewa, aliwa roma wenda vamohi.

1 Samuweli 25:17

Muumbuwele pama jejo ira muone kodi yengo tchivi inafuna nyo iranavo. Mwasiwa yenno inomuzelana patarawihu makatamiho, vamohi na abalaye. Tchoira patarawihu gu mutu wabure, kalivo unawanda muwongana yengo.>>

1 Samuweli 25:25

Yoroma mbwiyeni inafwanela jatene jiwongile mulombwana Nabali mudiwale. Tchoira Nabali gu mulombwana wabure. Liye na ibaribari makalelo aye analinganave na nzina naye neno. Mwasiwa nzina na Nabali nnatapulela uzimora eto liye gu zimora. Mbwenye alombwana anno mwaarumile nyo kagazile, miyo namalaba wenyu kadaaonne.

1 Samuweli 30:21

Nomala enne, kohodowaga sogolro, aliwa dowa mwana muhindje wa Besori nimburo naahiyile atu alombwana amohiwa 200 kawaheyile ale. Evale aliwa kagamuonne Davi na alombwana aadowilegena liye kondoni ale kazaga, kohovenya, aliwa dowa ira kagumane na Davi vamohi na atwaye. Kagagumanne, Davi ohozaga valigi atu vale, liye alondjela.

1 Samuweli 30:23

Mbwenye Davi ohawandelaga eraga: <<Abalaga, nyo kamuirena eno jejo Yehova jinivahile liye! Liye uhunikoya eto uhunivaheda amwidani ehu mmandani mwihu.