1 Samuweli 3:6 - Mazu Otchena a Mulungu

⁶ Agagonantile, Yehova ohomuitanaga akoka, eraga: <<Samuweli!>> Liye ohovenyaga, liye dowa wa namakuta Eli, liye ira: <<Dihiza mwasiwa dihivwa mudiitanaga.>> Eli ohowakulaga, liye ira: <<Nari mwanaga, miyo kaduitanne. Venya udowe wagonanti jawo.>> Liye venya dowa gonanti.

1 Samuweli 3:6 ပူးပေါင်းရင်းမြစ်များ

Jenesesi 43:29

Joze agaaing'anne, ohomuonaga Benjami, mbalaye wenno ali obaliwana ingulu imohive. Mwa enne ohofukaga eraga: <<Kodi mbalinyu wa itongohi mwamuwonga nyo gwenna?>> Noira eno, ohowongaga eraga: <<Mwanaga Mulugu aurelihe.>>

2 Samuweli 18:22

Noira eno, mulombwana Ayimazi mwana Zadoki ule ohowongaga akoka na Jowabe eraga: <<Andimuwa, dihiyeni na miyene dimuharege nkuda Kusi ule ira didowe damuwandele mwene Davi zela jatene jiireyile.>> Evale Jowabe ohomuwakulaga, liye ira: <<Mwanaga kodi mwasiwa gwa nni unafunela we ira udowe weyo? Tchoira weyo masiki udowe, kunatambilrave yengo!>>

Matewuji 9:2

Evale kohomuzagana maliba hawenda mmohi eni agali ogonantene vamakani vaye. Yesu agamuing'anne murendole na atu kamuzilena ale, ohoona ira: <<Atwala kohokana nroromelo.>> Evale ohowongaga na maliba hawenda ule eraga: <<Mwanaga kukukumuwe. Mwasiwa jotega jawo jihimala kurumuweliwa!>>

1 Samuweli 3:5

Mwa enne Samuweli ohovenyaga, liye tamanga dowa wa mulombwana Eli eraga: <<Dihiza mwasiwa dihivwa mudiitanaga.>> Evale Eli ohowakulaga, liye ira: <<Nari, miyo kaduitanne! Dowaga wagonanti.>> Samuweli ohovenyaga, liye dowa gonanti.

1 Samuweli 3:7

Tempu yenne Samuweli ali ahanaiziwe nizu na Yehova aitanaga, mwasiwa Yehova ali ahanarome wonga na liye.

1 Samuweli 4:16

Mwa enne mulombwanole ohofiyaga valigi namakuta Eli, liye roma muwandelamo eraga: <<Miyo eni ditawile kondoni eto peno eva miyo tamangaga ante za fiya uno eni.>> Eli ohonfuka, liye ira: <<Kodi iireyile nni mwanaga?>>