1 Samuweli 3:10 - Mazu Otchena a Mulungu

¹⁰ Samuweli agadowile gonanti, Yehova ohozaga liye imela, roma muitana akoka eraga: <<Samuweli! Samuweli!>> Liye ohowakulaga eraga: <<Kawongani Yehova! Miyo namalaba wenyu dili vano, nnavuruwana!>>

1 Samuweli 3:10 ပူးပေါင်းရင်းမြစ်များ

Jozuwe 5:14

Evale mulombwanole ohomurumelaga Jozuwe eraga: <<Miyo kadili wa pandi yawo nne kadili wa pandi ya amwidanawo. So mbwenye ira dize wa weyo, tchoira dili mundimuwa wa anyakondo a Yehova.>> Noira enne, Jozuwe ohokokoraga, aoramihedaga kove yaye ante fiyiha vati, liye mutamalela. Noira enne, ohonfuka eraga: <<Mbwiyeni kodi mwazela diwandela nni miyo namalaba wenyu?>>

1 Samuweli 12:2

Eni kuma peno mwene dimuhambihile miyo gunakalege sogolro wenyu. Tchoira miyo dihiulula eto nnga munadionela nyo eni dihimala kana mbwi eto ahimaga kali vamohi na nyo. Miyo eto gwausogolrelrani romela uzombweni waga fiyeda peno.

1 Samuweli 3:11

Evale Yehova ohoromaga muwandela Samuweli eraga: <<Miyo nnafuna disakanye yengo yotikiniha muwari mwa aIzarayeli. Yengo inafuna miyo sakanya, mutu wenne unavwe zela ubure unafuna miyo irana, unokala waheyo.

1 Samuweli 3:15

Samuweli agamanle wandeliwa mazu matene anne na Yehova, ohokala vakamani vaye evale fiyeda unde tcha. Unde wagatchile, ohovenyaga, liye hula milango datene da Nyumba ya Yehova. Eto liye ohoova muwandela mulombwana Eli jatene jamuwandenle Yehova mahiyu anne muwari momuoniha jengo mmuruni mwaye. Na mwasa wenne, ohomiyalagana jaye.

1 Samuweli 3:21

Noira eno, Yehova omutwanyuweletchave mulombwana Samuweli ilambo ya Silo yakaletcha liye ile. Mwa enne Yehova owonga jengo na Samuweli, Samuweli dowa awandelaga aIzarayeli atene.

1 Samuweli 3:8

Nomala enne, Yehova ohomuitanaga muzombwe Samuweli akoka fendo yaneraru. Evale Samuweli ohovenya dowa wa Eli wakoka wene, liye ira: <<Dihiza mwasiwa dihivwa mudiitanaga.>> Evale Eli paonenlregemo liye ira unamuitana gu Yehova.

1 Samuweli 3:9

Mwa enne Eli ohomuwakulaga Samuweli ira: <<Miyo kaduitanne. Dowaga wagonanti! Mbwenye wavwa itana akoka, kuvenye uza uno, so mbwenye urumele wire: <Yehova kawongani. Miyo namalaba wenyu dili vano, nnavuruwana!> >> Mwa enne Samuweli ohovenyaga, liye dowa gonanti vakoka vene.