1 Samuweli 29:3 - Mazu Otchena a Mulungu

³ Mwa enne asogolrelri a aFilistewu kagamuonne mulombwana Davi vamohi na atwaye ale kaaharaga mundulri mwiwa, kohonfukaga mwene Akiji keraga: <<Kodi aEberewu ala, wewuno anahindawo nni?>> Evale Akiji ohawakulaga asogolrelri a aFilistewu ale, liye ira: <<Ula gu Davi. Liye wanle ali munyakondo wa Sawuli mwene wa aIzarayeli. Mbwenye eniva liye umala malambo oindjivene agali na miyo. Eto kakalevo unafuna muwanganyedana yengo ili yatene, tchoira romela siku nilupile liye aza wa miyo, fiyeda peno kanasakanye yengo yabure.>>

1 Samuweli 29:3 ပူးပေါင်းရင်းမြစ်များ

Jenesesi 14:13

Mbwenye ohokalawo mutu mmohi avuluwile, ahatukuliwa. Wenne ohodowaga muwandela mulombwana Abaramu muEberewu ule jatene jaireyile. Mwa tempu yenno Abaramu akala wandamana na mitengo da karvaliyo da mulombwana Mamere nkuda Amore, wenno ali Exikoli na Aneri mbaliwa. Fwanyeya ira Mamere vamohi na abalaye ale kohopangana wandana na mulombwana Abaramu.

1 Koronika 12:19

Kohokalawo eto anyakondo amohiwa a nlogo na Manasesi kadowile gumanela na Davi tempu yavenyile liye na aFilistewu kadowaga ira kawane na mwene Sawuli. Na ibaribari Davi kaakamihedile aFilistewu ale, tchoira andimuwa ewa kagamanle vahana zelru, kohomuwelihaga Davi. Tchoira kaumbuwela ira afwase Davi unowelela wa mbwiyaye Sawuli, aira eno anipe.

1 Koronika 12:20

Evale Davi awelelaga Zikalagi, kohokalawo atu a nlogo na Manasesi kazile gumanela na liye. Aliwa maziniwa ba ala: Adina, Jozabade, Jediyeli, Mikayeli, Jozabade, Eliyu na Ziletayi. Kada mutu ali musogolrelri wa alombwana 1.000 a Manasesi.

Daniyeli 6:5

Mwa enne afwaye ale kohowongaga keraga: <<Mulombwana Daniyeli kannanfwanyana yabure ili yatene ira nnodowa namusumele wa mwene. Para niwande nfwanyana ubure, so ikale yengo inazela muwari mwa makalelo anahara liye malamulo a Mulugu waye.>>

Juwawu 19:6

Evale andimuwa a anamakuta na agwarda a Nyumba ya Yehova kagamuonne Yesu, kohokuwa keraga: <<Kamukomeleni vamuradini! Kamukomeleni vamuradini!>> Evale Pilatu ohowongaga eraga: <<Mutukuleni, mudowe mwamukomele nyoka, mwasiwa miyo kadinfwannyena yabure yofwanela ira akomeliwe.>>

Roma 12:17

Kammuwelihede ubure mutu wenno unauirelani ubure. Mbwenye musakege irana japama vamentoni va atu atene.

1 Peduru 3:16

Mbwenye muwakulege moviyeviha eto muwari moariheda afwinyu. Muiregena eno na mmirimani mwenyu mwatene ira ale anawonga joululuvihani zela mawendelo enyu apama omuroromela Kiristu kawande kana manyazo.

1 Samuweli 14:11

Noira enne, kohovihiya ira nikuru na aFilistewu kaaone. AFilistewu kagaaonne, kohowongaga keraga: <<Kaaoneni aEberewu amohiwa anno kavitanle anaavituwa mmulihani mwavitanle atu.>>

1 Samuweli 25:28

Nnouvepani ira mudikurumuwele yabure isakanyile miyo namalaba wenyu mwasiwa vasogolro Yehova unosakanya ira nyo mbwiyeni mukale mwene vamohi na ahima munaabalege nyo. Jatene ejo Yehova unoirana mwasiwa nyo mbwiyeni munowana mukondoni mwatene munaurumani Yehova. Kalawo wenyu watene, kamuza mufwanyeyana yabure ili yatene.

1 Samuweli 27:1

Jagamanle jejile, mulombwana Davi ohoumbuwelaga mmirimani mwaye ira: <<Miyo eni vasogolro nnoza dipiwe na mwene Sawuli. Mbwenye ira mwene Sawuli ahadipe, inafwanela dikumemo mwilamboni muno, didowe dakalege mwilamboni mwa aFilistewu. Dadowa wewule, Sawuli unogoma disaka muwari mwa Izarayeli, era eno, nnovuluwa, kannakwa.>>

1 Samuweli 27:7

Davi agadowile mwilamboni mwa aFilistewu mule, amanlemo yaka imohi na medi minnayi.

1 Samuweli 29:6

Evale mulombwana Akiji ohomuitanaga Davi amuwandelaga eraga: <<Miyo nnawonga vamentoni va Yehova okalawo ira miyo kaduonnena yabure eto miyo dohofuna ira weyo udikamihedege mukondoni. Miyo romela siku nazilege we fiyeda peno kadufwannyena yabure. Mbwenye amwene afwaga anauwanganyeda.

1 Samuweli 4:6

Evale aFilistewu ale kagavwile kuwa wa aIzarayeli, kohowonga keraga: <<Kuwa undimuwa unavweya misasani wa aEberewu unatapulela nni?>> Mwa enne kagaiziwile ira aIzarayeli kakuwela na mwasa oira Kaxa ya Yehova yohoza,