1 Samuweli 28:8 - Mazu Otchena a Mulungu

⁸ Evale mwene Sawuli ohowungula jowara jaye ja umwene, liye wara jowara jimohi jawara atu ira ahaiziweye. Unde wagadibile, ohovenyihanaga vamohi na alombwanaye ambinli ira kadowe kanfwanye muhiyanole. Agafiyile wa muhiyanole, ohowongaga, liye ira: <<Miyo nnafuna mmugwelihe muzimu wa mutu wenno nnafuna miyo muromola ira diwande tapanya na liye!>>

1 Samuweli 28:8 ပူးပေါင်းရင်းမြစ်များ

1 Amwene 22:30

Aliwa kavolowaga mukondoni mule, mwene wa Izarayeli ule ohomuwandelaga Jozafa eraga: <<Miyo nnafuna diware jowara jimohi jiwa ira atu kahadiiziwe, ira divolowe kondoni dawane. Weyo mbwenye wavolowaga mukondoni uware jowara jawo ja umwene.>> Mwa enne mwene wa Izarayeli ule ohowungulaga jowara ja umwene jile, liye wara jimohi jiwa, ambinlene aliwa volowa mukondoni.

1 Amwene 22:34

Noira eno, ohokala munyakondo mmohi avokilege wene nifumo naye, ahamuiziwile mutu guvi afuna liye mulata. Agavokile, nifumo nne nohodowaga, aliwa mulata mwene wa Izarayeli vari vagumana jowara ja momba jawarile liye mirimani waye. Noira enne, mulombwana Akabe ohowongaga na mulombwana wenno awendiha aterelado waye, liye ira: <<Kadikumihemo mukondoni mu, mwasiwa miyo dihiporotchiwa.>>

1 Koronika 10:13

Fwanyeya Sawuli ohokwa na mwasa omutegela Yehova, tchoira liye kakwakwanelihedile jawongile Yehova. Mwasiwa eto anfuka maliba tapanya na mizimu ira amuwandele yafuna liye ira.

Izaiya 8:19

Eto atu kauwandelani ira: <<Mudowe mwaafuke aliba wombeza makanga na aliba tapanya na azimu na akwiri anno anawongela muwari muwari eto ananong'ona>>, kodi nyo kamunna zelru donvepa Mulugu wenyu? Kodi vinowandeya afukaga ale kakwile ira kaakamihede ale kaliwo?

Juwawu 3:19

<<Mulandu unafuna atu tongiwelaga tchoira moneya uza mwilamboni ya vati, mbwenye atu kaziveliwileve isi kwaranya moneya, mwasiwa joira jiwa jali jotakala.